ആലപ്പുഴ: ആഗസ്ത് 12ന് നടക്കുന്ന 69-ാമത് നെഹ്റു ട്രോഫി വളളംകളിക്ക് മുന്നോടിയായുളള വള്ളങ്ങളുടെ രജിസ്ട്രേഷന് 19 മുതല് 25 വരെ നടത്തും. ചുണ്ടന് വള്ളങ്ങളിലെ തുഴച്ചില്ക്കാര്ക്ക് തിരിച്ചറിയല് കാര്ഡ് നല്കുന്നതിനുള്ള ഫോറം രജിസ്ട്രേഷനും സബ് കളക്ടറുടെ ഓഫീസില് നിന്നും വിതരണം ചെയ്യും.
ക്യാപ്റ്റന്മാര് ഫോറം പൂരിപ്പിച്ച് ഓഗസ്റ്റ് ഒന്നിനകം ആലപ്പുഴ ബോട്ട് ജെട്ടിക്ക് എതിര് വശത്തുള്ള മിനി സിവില്സ്റ്റേഷന് അനക്സിന്റെ രണ്ടാം നിലയിലുള്ള ഇറിഗേഷന് ഡിവിഷന്, എക്സിക്യൂട്ടീവ് എഞ്ചിനീയറുടെ ഓഫീസില് എത്തിക്കണമെന്ന് എന്.ടി.ബി.ആര്. ഇന്ഫ്രാസ്ട്രക്ചര് കമ്മറ്റി കണ്വീനറായ ഇറിഗേഷന് ഡിവിഷന് എക്സിക്യൂട്ടീവ് എഞ്ചിനീയര് അറിയിച്ചു. ഫോണ്: 0477 2252212.
