പ്രേക്ഷകരില്‍ കൗതുകമുണര്‍ത്തുന്ന പുതിയ പോസ്റ്റര്‍ പുറത്തുവിട്ട് ‘ആര്‍ട്ടിക്കിള്‍ 21’ ടീം. മലയാളത്തിലെ മികവുറ്റ അഭിനേതാക്കളായ ലെന, അജു വര്‍ഗീസ്, ജോജു ജോര്‍ജ് എന്നിവരെ പ്രധാന കഥാപാത്രങ്ങളാക്കി ലെനിന്‍ ബാലകൃഷ്ണന്‍ തിരക്കഥയെഴുതി സംവിധാനം ചെയ്യുന്ന ചിത്രമാണ് ‘ആര്‍ട്ടിക്കിള്‍ 21’. രോമാഞ്ച്, ലെസ്വിന്‍ തമ്പു, അംബികാ നായര്‍, നന്ദന്‍ രാജേഷ്, ബിനീഷ് കോടിയേരി, മനോഹരി ജോയ്, മജീദ് തുടങ്ങിയവരാണ് ചിത്രത്തിലെ മറ്റ് പ്രധാന താരങ്ങള്‍.
ഇപ്പോഴിതാ ചിത്രത്തിലെ പുതിയ പോസ്റ്റര്‍ പുറത്തു വന്നിരിക്കുകയാണ്. നീതിക്കു വേണ്ടി അണിനിരക്കൂ… 28/07/2023 എന്ന് ആലേഖനം ചെയ്തിട്ടുള്ള പോസ്റ്ററാണ് അണിയറ പ്രവര്‍ത്തകര്‍ ഇപ്പോള്‍ പങ്കുവച്ചത്. ലെനയുടെ കഥാപാത്രത്തിന്റെ പോസ്റ്ററിനൊപ്പമാണ് നീതിക്കു വേണ്ടി അണിനിരക്കൂ എന്ന ആഹ്വാനവും അണിയറക്കാര്‍ നടത്തിയത്.
ജൂലൈ 28 ന് ചിത്രം തിയേറ്ററുകളില്‍ എത്തുമെന്ന സന്ദേശത്തിന് അപ്പുറം ശക്തമായ പ്രമേയമാണ് ‘ആര്‍ട്ടിക്കിള്‍ 21’ മുന്നോട്ട് വയ്‌ക്കുന്നതെന്ന സൂചനയും പോസ്റ്റര്‍ നല്‍കുന്നു.
അതിവേഗം വളരുന്ന നമ്മുടെ ഇന്ത്യ മഹാരാജ്യത്തെ കൂടുതല്‍ ഉയര്‍ച്ചയിലേക്ക് എത്തിക്കാന്‍ ഉള്ള മാറ്റങ്ങളെ പറ്റി, നമ്മളെവരും കാണുന്നതും കേള്‍ക്കുന്നതുമായ, നമ്മുടെ ചുറ്റുപാടുകളില്‍ തന്നെ നടക്കുന്ന ഒരു ഗൗരവമേറിയ വിഷയം അതിന്റെ തീവ്രതയോടെ തന്നെ പറയുന്നുണ്ട് ആര്‍ട്ടിക്കിള്‍ 21 എന്ന സിനിമയില്‍.
വാക് വിത്ത് സിനിമാസിന്റെ ബാനറില്‍ ജോസഫ് ധനൂപ്, പ്രസീന എന്നിവര്‍ ചേര്‍ന്ന് നിര്‍മിക്കുന്ന ചിത്രം ചെമ്മീന്‍ സിനിമാസ് ആണ് തിയേറ്ററുകളില്‍ എത്തിക്കുന്നത്. കോ പ്രൊഡ്യൂസര്‍ – രോമാഞ്ച് രാജേന്ദ്രന്‍, സൈജു സൈമണ്‍. അഷ്‌കര്‍ ആണ് ചിത്രത്തിനായി കാമറ ചലിപ്പിക്കുന്നത്. സന്ദീപ് നന്ദകുമാര്‍ എഡിറ്റിങും നിര്‍വഹിക്കുന്നു. സൗണ്ട് ഡിസൈന്‍- രംഗനാഥ് രവി. ബി.കെ. ഹരിനാരായണന്‍ എഴുതിയ വരികള്‍ക്ക് ഈണം പകരുന്നത് ഗോപി സുന്ദര്‍ ആണ്. ചിത്രത്തിന് പശ്ചാത്തല സംഗീതം ഒരുക്കുന്നതും ഗോപി സുന്ദര്‍ ആണ്.
പ്രൊഡക്ഷന്‍ കണ്‍ട്രോളര്‍ – ശശി പൊതുവാള്‍, കല – അരുണ്‍ പി അര്‍ജുന്‍, മേക്കപ്പ് – റഷീദ് അഹമ്മദ്, വസ്ത്രാലങ്കാരം – പ്രസാദ് അന്നക്കര, സ്റ്റില്‍സ് – സുമിത് രാജ്, ഡിസൈന്‍ – ആഷ്ലി ഹെഡ്, ചീഫ് അസോസിയേറ്റ് ഡയറക്ടര്‍ – ലിദീഷ് ദേവസി, അസോസിയേറ്റ് ഡയറക്ടര്‍ – ഇംതിയാസ് അബൂബക്കര്‍, പിആര്‍ഒ – എ.എസ്. ദിനേശ്, ആതിര ദില്‍ജിത് എന്നിവരാണ് ചിത്രത്തിലെ മറ്റ് അണിയറ പ്രവര്‍ത്തകര്‍.
പ്രതികരിക്കാൻ ഇവിടെ എഴുതുക: