നാഗ്പൂര്‍: ആര്‍എസ്എസ് പ്രാന്ത പ്രചാരകന്മാരുടെ അഖിലഭാരതീയ ബൈഠക് 13 മുതല്‍ 15 വരെ ഊട്ടിയില്‍ ചേരും. സര്‍സംഘചാലക് ഡോ. മോഹന്‍ ഭാഗവത്, സര്‍കാര്യവാഹ് ദത്താത്രേയ ഹൊസബാളെ, സഹസര്‍കാര്യവാഹുമാരായ ഡോ. കൃഷ്ണഗോപാല്‍, ഡോ. മന്‍മോഹന്‍ വൈദ്യ, സി.ആര്‍. മുകുന്ദ, അരുണ്‍കുമാര്‍, രാംദത്ത് ചക്രധര്‍ എന്നിവര്‍ മാര്‍ഗ ദര്‍ശനം നല്കും.
പ്രാന്ത പ്രചാരക്, സഹപ്രാന്തപ്രചാരക്, ക്ഷേത്ര പ്രചാരക്, സഹക്ഷേത്ര പ്രചാരക് എന്നിവരെ കൂടാതെ കാര്യവിഭാഗുകളുടെ അഖില ഭാരതീയ തലത്തിലുള്ള പ്രമുഖുമാര്‍, വിവിധക്ഷേത്ര സംഘടനകളുടെ അഖില ഭാരതീയ സംഘടനാ സെക്രട്ടറിമാര്‍ എന്നിവരാണ് ബൈഠക്കില്‍ പങ്കെടുക്കുന്നത്.
ആര്‍എസ്എസ് സംഘശിക്ഷാവര്‍ഗുകളുടെ അവലോകനം, ശതാബ്ദി പ്രവര്‍ത്തനങ്ങളുടെ കര്‍മ്മപദ്ധതി, ശാഖകളുടെ പ്രവര്‍ത്തനം സമാജപരിവര്‍ത്തനത്തിലേക്ക് തുടങ്ങിയ വിഷയങ്ങള്‍ ബൈഠക്കില്‍ ചര്‍ച്ച ചെയ്യുമെന്ന് അഖില ഭാരതീയ പ്രചാര്‍ പ്രമുഖ് സുനില്‍ അംബേക്കര്‍ അറിയിച്ചു.
പ്രതികരിക്കാൻ ഇവിടെ എഴുതുക: