ഒട്ടാവ: കാനഡ ഓപ്പണ്‍ ബാഡ്മിന്റണ്‍ ടൂര്‍ണമെന്റിന്റെ പുരുഷ സിംഗിള്‍സ് ഫൈനലില്‍ കടന്ന് ഇന്ത്യന്‍ താരം ലക്ഷ്യ സെന്‍.കാനഡയിലെ കാല്‍ഗറിയില്‍ ഇന്ന് പുലര്‍ച്ചെ നടന്ന സെമിയില്‍ ജപ്പാന്റെ കെന്റ നിഷിമോട്ടോയെയാണ് പരാജയപ്പെടുത്തിയത്. സ്‌കോര്‍ 21-17, 21-14.
കോമണ്‍വെല്‍ത്ത് ഗെയിംസ് ചാമ്പ്യനായ ലക്ഷ്യ ഒരു വര്‍ഷത്തിന് ശേഷം ആദ്യമായാണ് ബി ഡബ്ലിയു എഫ് വേള്‍ഡ് ടൂര്‍ ഫൈനലിലെത്തുന്നത്.ഫൈനലില്‍ ചൈനയുടെ ലി ഷിഫെംഗുമായാണ് ലക്ഷ്യ നാളെ ഏറ്റുമുട്ടുന്നത്.
വനിതാ സിംഗിള്‍സ് സെമിയില്‍ നേരത്തെ ജപ്പാന്റെ അകാനെ യമാഗുച്ചി ഇന്ത്യയുടെ പി.വി. സിന്ധുവിനെ പരാജയപ്പെടുത്തി. അകാനെ യമാഗുച്ചി 21-14, 21-15 എന്ന സ്‌കോറിനാണ് സിന്ധുവിനെ പരാജയപ്പെടുത്തിയത്.
പ്രതികരിക്കാൻ ഇവിടെ എഴുതുക: