ഭുവനേശ്വര്‍: 290ലധികം യാത്രക്കാര്‍ക്ക് ജീവന്‍ നഷ്ടപ്പെട്ട ഒഡീഷയിലെ മൂന്ന് ട്രെയിനുകള്‍ കൂട്ടിയിടിച്ചുണ്ടായ അപകടവുമായി ബന്ധപ്പെട്ട് മൂന്ന് റെയില്‍വേ ഉദ്യോഗസ്ഥരെ സിബിഐ വെള്ളിയാഴ്ച അറസ്റ്റ് ചെയ്തു.
എഞ്ചിനീയര്‍ അരുണ്‍ കുമാര്‍ മഹന്ത, സെക്ഷന്‍ എന്‍ജിനീയര്‍ മുഹമ്മദ് അമീര്‍ ഖാന്‍, ടെക്‌നീഷ്യന്‍ പപ്പു കുമാര്‍ എന്നിവരാണ് അറസ്റ്റിലായത്. ഇന്ത്യന്‍ ശിക്ഷാ നിയമത്തിലെ 304, 201 വകുപ്പുകള്‍ പ്രകാരമാണ് പ്രതികളെ അറസ്റ്റ് ചെയ്തത്.
മനഃപൂര്‍വമല്ലാത്ത നരഹത്യ, തെളിവ് നശിപ്പിക്കല്‍ എന്നിവയുമായി ബന്ധപ്പെട്ട വകുപ്പുകള്‍ കേസില്‍ ചേര്‍ത്തിട്ടുണ്ട്.
ബാലസോര്‍ അപകടത്തെക്കുറിച്ചുള്ള റിപ്പോര്‍ട്ട് റെയില്‍വേ സേഫ്റ്റി കമ്മീഷണര്‍ റെയില്‍വേ ബോര്‍ഡിന് സമര്‍പ്പിച്ച് ദിവസങ്ങള്‍ക്ക് ശേഷമാണ് അറസ്റ്റ്. സിഗ്‌നല്‍ സംവിധാനത്തിലെ തകരാറാണ് ട്രെയിനുകള്‍ കൂട്ടിയിടിക്കാന്‍ കാരണെന്നാണ് കണ്ടെത്തല്‍.
