കാല്‍ഗരി: കാനഡ ഓപ്പണ്‍ ബാഡ്മിന്റണില്‍ ഇന്ത്യന്‍ താരങ്ങളായ പി.വി. സിന്ധുവും ലക്ഷ്യ സെന്നും പ്രീക്വാര്‍ട്ടറില്‍ പ്രവേശിച്ചു. ഇരുവരും ഇന്നലെ നേരിട്ടുള്ള ഗെയിമുകള്‍ക്ക് ജയിച്ചാണ് പ്രീക്വാര്‍ട്ടര്‍ ഉറപ്പിച്ചത്.
വനിതാ സിംഗിള്‍സില്‍ കാനഡയുടെ തന്നെ ടാലിയ എന്‍ജിയെ ആണ് സിന്ധു അനായാസം കീഴടക്കിയത്. പ്രീക്വാര്‍ട്ടറില്‍ ജപ്പാന്‍ താരം നാറ്റ്‌സുകി നിഡൈറയാണ് സിന്ധുവിന്റെ എതിരാളി. സ്‌കോര്‍: 21-16, 21-9.
പുരുഷ സിംഗിള്‍സില്‍ തായ്‌ലാന്‍ഡിന്റെ കുന്‍ലവുത്ത് വിതിദ്‌സാണിനെയാണ് ലക്ഷ്യ സെന്‍ തോല്‍പ്പിച്ചത്. പ്രീക്വാര്‍ട്ടടറില്‍ ബ്രസീലിന്റെ യിഗോര്‍ കോഎല്‍ഹോ ആണ് സെന്നിന്റെ എതിരാളി. സ്‌കോര്‍: 21-18, 21-15.
ഇന്ത്യയുടെ സായി പ്രണീതിനെ തോല്‍പ്പിച്ചാണ് ബ്രസീല്‍ താരം കോഎല്‍ഹോ പ്രീക്വാര്‍ട്ടറിലെത്തിയിരിക്കുന്നത്. വനിതാ സിംഗിള്‍സില്‍ മറ്റൊരു ഇന്ത്യന്‍ താരം റുത്വിക ശിവാനി ഗഡ്ഡെ ആദ്യ റൗണ്ടില്‍ തന്നെ പരാജയപ്പെട്ടു.
പ്രതികരിക്കാൻ ഇവിടെ എഴുതുക: