മുംബയ് : അജിത് അഗാര്‍ക്കറുടെ നേതൃത്വത്തിലുള്ള സീനിയര്‍ പുരുഷ സെലക്ഷന്‍ കമ്മിറ്റി വെസ്റ്റ് ഇന്‍ഡീസിനെതിരായ അഞ്ച് മത്സരങ്ങളുടെ ടി20 പരമ്പരയ്‌ക്കുള്ള ഇന്ത്യന്‍ ടീമിനെ തിരഞ്ഞെടുത്തു. യശസ്വി ജയ്സ്വാളും തിലക് വര്‍മ്മയും ആദ്യമായി ടീമിലിടം നേടിയപ്പോള്‍ അലിഗഡില്‍ നിന്നുള്ള യുവ ബാറ്റര്‍ റിങ്കു സിംഗിനെ പരിഗണിച്ചില്ല. ഹാര്‍ദിക് പാണ്ഡ്യയാണ് ടീമിനെ നയിക്കുക.സൂര്യകുമാര്‍ യാദവ് ഉപനായകന്‍.
യശസ്വി ജയ്സ്വാളും തിലക് വര്‍മ്മയും യഥാക്രമം രാജസ്ഥാന്‍ റോയല്‍സിനും മുംബൈ ഇന്ത്യന്‍സിനും വേണ്ടി കഴിഞ്ഞ ഐ പി എല്ലില്‍ മികച്ച ബാറ്റിംഗ് കാഴ്ച വച്ചിരുന്നു. ടീമിലേക്ക് വിക്കറ്റ് കീപ്പര്‍ ബാറ്റര്‍ സഞ്ജു സാംസണും തിരിച്ചെത്തി.
അതേസമയം, മുതിര്‍ന്ന താരങ്ങളായ വിരാട് കോഹ്ലിയും രോഹിത് ശര്‍മ്മയും ടി20 ടീമിലില്ല. റിങ്കു സിംഗിന് എമര്‍ജിംഗ് ടി 20 ഏഷ്യ കപ്പ് ടീമിലും ഇടം കിട്ടിയില്ല.
ഇഷാന്‍ കിഷന്‍ (വിക്കറ്റ ്കീപ്പര്‍), ശുഭ്മാന്‍ ഗില്‍, യശസ്വി ജയ്സ്വാള്‍, തിലക് വര്‍മ്മ, സൂര്യ കുമാര്‍ യാദവ് , സഞ്ജു സാംസണ്‍ (വിക്കറ്റ് കീപ്പര്‍), ഹാര്‍ദിക് പാണ്ഡ്യ , അക്‌സര്‍ പട്ടേല്‍, യുസ്വേന്ദ്ര ചാഹല്‍, കുല്‍ദീപ് യാദവ്, രവി ബിഷ്ണോയ്, അര്‍ഷ്ദീപ് സിംഗ്, ഉമ്രാന്‍ മാലിക്, ആവേശ് ഖാന്‍, മുകേഷ് കുമാര്‍.
പ്രതികരിക്കാൻ ഇവിടെ എഴുതുക: