ലണ്ടന്‍ : പരിക്കേറ്റതിനെ തുടര്‍ന്ന് ഇംഗ്ലണ്ട് താരം ഒല്ലി പോപിന് ആഷസ് പരമ്പരയിലെ ഇനിയുളള മത്സരങ്ങള്‍ നഷ്ടമാകും. ലോര്‍ഡസില്‍ ഓസ്‌ട്രേലിയയ്‌ക്കെതിരെയുളള രണ്ടാം ടെസ്റ്റിലാണ് താരത്തിന് പരിക്കേറ്റത്.
ഒല്ലി പോപിന്റെ വലത് തോളിനാണ് പരിക്കു പറ്റിയത്.താരത്തിന് ശസ്ത്രക്രിയ വേണ്ടി വരുമെന്നാണ് കരുതുന്നത്.
ഇതോടെ ഒല്ലി പോപിന് ഇംഗ്ലണ്ടിലെ വേനല്‍ക്കാല സീസണ്‍ നഷ്ടമാകുമെന്ന് ഉറപ്പായി. പരിക്കേറ്റങ്കിലും രണ്ടാം ഇന്നിംഗ്‌സിലും ഒല്ലി പോപ് ബാറ്റ് ചെയ്തു.
ഒല്ലി പോപിന് പകരക്കാരനെ ഇംഗ്ലണ്ട് പ്രഖ്യാപിച്ചിട്ടില്ല. എന്നാല്‍ ടീമിലെ റിസര്‍വ് ബാറ്റ്‌സ്മാന്‍ ഡാന്‍ ലോറന്‍സ് അന്തിമ ഇലവനിലെത്തുമെന്നാണ് അറിയുന്നത്.
പ്രതികരിക്കാൻ ഇവിടെ എഴുതുക: