അസ്താന: കസാക്കിസ്ഥാനിലെ അസ്താനയില് നടക്കുന്ന എലോര്ഡ കപ്പില് വെങ്കല മെഡല് ഉറപ്പാക്കി ഇന്ത്യന് ബോക്സര് സുമിത് സെമിഫൈനലില് കടന്നു. 86 കിലോഗ്രാം വിഭാഗം ക്വാര്ട്ടര് ഫൈനലില് താരം കസാക്കിസ്ഥാന്റെ ബെക്സാത് തങ്കാറ്ററിനെ 5-0ത്തിന് പരാജയപ്പെടുത്തി.
51 കിലോഗ്രാം പ്രീ ക്വാര്ട്ടര് പോരാട്ടത്തില്, കസാക്കിസ്ഥാന്റെ ഡാരിയന് കുല്ഷബയേവിനെതിരെ 4-1 ന് സോറാം മുവാന വിജയിച്ചു.
നാല് ഇന്ത്യന് ബോക്സര്മാര് ക്വാര്ട്ടര് ഫൈനല് മത്സരങ്ങളില് ഇന്ന് മത്സരിക്കും. 54 കിലോഗ്രാം വിഭാഗത്തില് പുഖാറാം കിഷന് സിംഗ് കസാക്കിസ്ഥാന്റെ ദൗലെറ്റ് മോള്ഡാഷെവിനെതിരെയും 57 കിലോ വിഭാഗത്തില് ആശിഷ് കുമാര് തായ്ലന്ഡിന്റെ സുക്തേത് സരവുത്തിനെയും നേരിടും. 71 കിലോയില് ഹേമന്ത് യാദവ് കസാക്കിസ്ഥാന്റെ തല്ഗത് ഷൈകെനോവിനെതിരെ കളത്തിലിറങ്ങും.
വനിതാ വിഭാഗത്തില്, ശിക്ഷ (54 കിലോ) കസാക്കിസ്ഥാന്റെ ഷൈന ഷെക്കര്ബെക്കോവയ്ക്കെതിരായ മത്സരത്തിന് തയ്യാറെടുക്കുകയാണ്.
