കൊല്‍ക്കത്ത: നോട്ടിങ്ഹാം ഫോറസ്റ്റിന്റെയും റേഞ്ചേഴ്‌സിന്റെയും മുന്‍ താരമായ സ്‌കോട്ടിഷ് സ്‌ട്രൈക്കര്‍ ജേസണ്‍ കമ്മിങ്സ് ഇനി മോഹന്‍ ബഗാനില്‍. താരവുമായി കരാര്‍ ഒപ്പുവെച്ച കാര്യം മോഹന്‍ ബഗാന്‍ ഇന്നലെ ഔദ്യോഗികമായി പ്രഖ്യാപിച്ചു. മുംബൈ സിറ്റിയും താരത്തിനായി രംഗത്ത് ഉണ്ടായിരുന്നെങ്കിലും മോഹന്‍ ബഗാന്‍ നല്‍കിയ ഓഫര്‍ കമ്മിങ്സ് സ്വീകരിക്കുകയായിരുന്നു.
എ ലീഗില്‍ അവസാന രണ്ട് സീസണുകളിലായി സെന്‍ട്രല്‍ കോസ്റ്റ് മറീനേഴ്സിനൊപ്പം ആയിരുന്നു കമ്മിങ്സ്. അവിടെ 49 മത്സരങ്ങളില്‍ നിന്ന് 28 ഗോളുകള്‍ അദ്ദേഹം നേടി. മുമ്പ് ഹൈബര്‍നിയനും ഡണ്ടിയും പോലുള്ള സ്‌കോട്ടിഷ് ക്ലബുകള്‍ക്ക് ആയും ഇംഗ്ലീഷ് ക്ലബുകള്‍ക്കായും താരം കളിച്ചിട്ടുണ്ട്. 27-കാരന്‍ മുമ്പ് സ്‌കോട്ട്ലന്‍ഡ് ദേശീയ ടീമിനായി കളിച്ചിട്ടുണ്ട് എങ്കിലും ഇപ്പോള്‍ ഓസ്‌ട്രേലിയ ദേശീയ ടീമിന്റെ ഭാഗമാണ്. ലോകകപ്പില്‍ ഓസ്‌ട്രേലിയക്കായി കമ്മിങ്സ് കളിച്ചിരുന്നു.
പ്രതികരിക്കാൻ ഇവിടെ എഴുതുക: