വടക്കഞ്ചേരി: കിണറ്റില്‍ അകപ്പെട്ട യുവാവിനെ രക്ഷപ്പെടുത്തി. പുതുക്കോട് പാട്ടോലയില്‍ കിണര്‍ വൃത്തിയാക്കാന്‍ ഇറങ്ങിയ യുവാവ് തിരിച്ച് കയറുന്നതിനിടെയാണ് കിണറ്റില്‍ അകപ്പെട്ടത്. അപകടത്തില്‍ പുതുക്കോട് പാട്ടോല അനുരാജ് (33) നാവണ് പരിക്കേറ്റത്. ഇയാളെ പാലക്കാട് ജില്ലാ ആശുപത്രിയില്‍ പ്രവേശിപ്പിച്ചു.
വ്യാഴാഴ്ച പകല്‍ 11ഓടെയാണ് സംഭവം. അനുരാജിന്റെ ബന്ധു ലക്ഷ്മി അമ്മയുടെ വീട്ടുവളപ്പിലെ കിണര്‍ വൃത്തിയാക്കാന്‍ ഇറങ്ങിയതായിരുന്നു. വൃത്തിയാക്കിയതിന് ശേഷം ഏണിവെച്ച് മുകളിലേക്ക് കയറുന്നതിന് മുമ്പ് ചുറ്റുമതിലില്‍ പിടിച്ചപ്പോള്‍ മതില്‍ ഇടിഞ്ഞ് കിണറിലേക്ക് വീഴുകയായിരുന്നു. കിണറിനുള്ളിലെ പാറയില്‍ വീണ അനുരാജിന്റെ നട്ടെല്ലിന് പരിക്കേറ്റിട്ടുണ്ട്.
വടക്കഞ്ചേരിയില്‍ നിന്നും അഗ്‌നിരക്ഷാ സേനയെത്തി ഒരു മണിക്കൂര്‍ നേരത്തെ പരിശ്രമത്തിന് ശേഷം സ്‌ട്രെച്ചറിന്റെ സഹായത്തോടെ കയറ്റുകയായിരുന്നു. സ്റ്റേഷന്‍ ഓഫീസര്‍ കെ.എ. ജിനേഷ്, സീനിയര്‍ ഫയര്‍ ആന്റ് റെസ്‌ക്യൂ ഓഫീസര്‍ ഷാബു ജോര്‍ജ് എന്നിവരുടെ നേത്യത്വത്തിലാണ് രക്ഷാപ്രവര്‍ത്തനം നടത്തിയത്.
പ്രതികരിക്കാൻ ഇവിടെ എഴുതുക: