തിരുവല്ല: വായനാ ദിനത്തില്‍ നാട്ടുകാരെയും വീട്ടുകാരെയും പ്രബുദ്ധരാക്കുകയാണ് കാവുംഭാഗം എല്‍പിഎസിലെ കൂഞ്ഞുകൂട്ടുകാര്‍. അഞ്ചൂറോളം പുസ്തകങ്ങള്‍ കുട്ടികള്‍ വിതരണം ചെയ്തു. സമ്മാനം കൊടുക്കുക മാത്രമല്ല. വാങ്ങുന്നവരെ കൊണ്ട് രണ്ട് വരി വായിപ്പിക്കാനും കുട്ടികള്‍ മറന്നില്ല. സന്നദ്ധ പ്രവര്‍ത്തകരും അദ്ധ്യാപകരും പിടിഎയും സംയുക്തമായാണ് പുസ്തകങ്ങള്‍ ശേഖരിച്ച് നല്‍കിയത്.
കുട്ടികളുടെ സ്‌നേഹ സമ്മാനത്തിനോട് മികച്ച പ്രതികരണമാണ് ഉണ്ടായത്. വീട്ടുകാര്‍ക്കും കുട്ടികള്‍ പുസ്തകങ്ങള്‍ നല്‍കി. എച്എം ഗീതാമണി,സീനിയര്‍ ടീച്ചര്‍. ആശ കെ, പിടിഎ പ്രസിഡന്റ് മുകേഷ് ,പ്രിയ എന്നിവര്‍ നേതൃത്വം നല്‍കി. ജില്ലയിലെ സര്‍ക്കാര്‍ സ്‌കൂളുകളില്‍ മികച്ച പ്രകടനം കാഴ്ചവെയ്‌ക്കുന്ന കാവുംഭാഗം എല്‍പിഎസിന് നിരവധി പുരസ്‌കാരങ്ങളും ലഭിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: