കോഴിക്കോട്: വ്യാജ സര്ട്ടിഫിക്കറ്റ് കേസില് അറസ്റ്റിലായ കെ. വിദ്യയെ ഒളിച്ചിരുന്നതെവിടെയെന്ന് പോലീസ് പറയട്ടെ എന്ന് സിപിഎം പേരാമ്പ്ര ഏരിയാ സെക്രട്ടറി എം. കുഞ്ഞമ്മദ്. കുഞ്ഞമ്മദ് സുഹൃത്തിന്റെ വീട്ടില് പാര്പ്പിച്ചുവെന്നും പോലീസിന് അറിയാമായിരുന്നുവെന്നും ആരോപിച്ച് പൊതു ജനങ്ങളും വിവിധ സംഘടനകളും പോലീസ് സ്റ്റേഷന് മാര്ച്ച് ഉള്പ്പെടെ പ്രക്ഷോഭങ്ങള് തുടരുന്നതിനിടെയാണ് പാര്ട്ടി നേതാവിന്റെ ഈ നിലപാട്.
മാധ്യമങ്ങള് ഇല്ലാക്കഥ ഉണ്ടാക്കുകയാണെന്ന് കുഞ്ഞമ്മദ് കുറ്റപ്പെടുത്തി. 15 ദിവസമായി വിദ്യ ഒളിവിലാണ്. പോലീസ് പിടിക്കേണ്ടതാണ്. ഇപ്പോള് പിടികൂടിയ സ്ഥലം പണ്ടുമുതലേ പാര്ട്ടി പ്രവര്ത്തനം ഉള്ളയിടമാണ്. പോലീസ് ഒളിച്ചുകളിക്കാതെ അറസ്റ്റ് ചെയ്തത് ഏതുവീട്ടില്നിന്നാണെന്ന് പറയട്ടെ, കുഞ്ഞമ്മദ് പറഞ്ഞു.
