തിരുവല്ല: സാമ്പത്തിക തട്ടിപ്പ് കേസില്‍ നിരണം ഗ്രാമപഞ്ചായത്ത് പ്രസിഡന്റും കെ പി യോഹന്നാന്റെ സഹോദരനുമായ കെ.പി പുന്നൂസ് വീണ്ടും അറസ്റ്റിലായി.
ലൈഫ് മിഷന്‍ പദ്ധതി പ്രകാരം വീട് വെച്ച് നല്‍കാമെന്ന് വാഗ്ദാനം നല്‍കി മൂന്നുലക്ഷം രൂപ തട്ടിയതായി കാട്ടി നിരണം സ്വദേശി നല്‍കിയ പരാതിയിലും എംബിബിഎസ് സീറ്റ് വാഗ്ദാനം ചെയ്ത് 20 ലക്ഷം രൂപ തട്ടിയെടുത്തതായി കാട്ടി മുതുകുളം സ്വദേശിനി നല്‍കിയ പരാതിയിലുമാണ് അറസ്റ്റ്. എംബിബിഎസ് സീറ്റ് വാഗ്ദാനം ചെയ്ത് പണം തട്ടിയെന്ന ആലത്തൂര്‍ ആലത്തൂര്‍ സ്വദേശിയുടെ പരാതിയില്‍ രണ്ടാഴ്ച മുമ്പ് അറസ്റ്റിലായ പുന്നൂസിനെ കോടതി റിമാന്‍ഡ് ചെയ്തിരുന്നു.
ആലത്തൂര്‍ സബ്ജയിലില്‍ നിന്നും ആണ് പുളിക്കീഴ് പോലീസ് പുന്നൂസിനെ കസ്റ്റഡിയിലെടുത്തത്. തുടര്‍ന്ന് തിരുവല്ല കോടതിയില്‍ ഹാജരാക്കിയ പ്രതിയെ കോടതി ഒരു ദിവസത്തെ കസ്റ്റഡിയില്‍ വിട്ടു. തെളിവെടുപ്പിന് വിശദമായ ചോദ്യം ചെയ്യലിനും ശേഷം പുന്നൂസിനെ ചൊവ്വാഴ്ച കോടതിയില്‍ ഹാജരാക്കും.
പ്രതികരിക്കാൻ ഇവിടെ എഴുതുക: