തിരുവനന്തപുരം: കേന്ദ്രസര്ക്കാര് പദ്ധതികളെക്കുറിച്ചുള്ള ബോധവല്ക്കരണം താഴെത്തട്ടിലുള്ള ജനങ്ങളില് എത്തിക്കണമെന്ന് കേന്ദ്ര വാര്ത്താവിതരണ പ്രക്ഷേപണ സഹമന്ത്രി ഡോ.എല്.മുരുഗന് പറഞ്ഞു. തിരുവനന്തപുരത്ത് വാര്ത്താ വിതരണ പ്രക്ഷേപണ മന്ത്രാലയത്തിന്റെ യൂണിറ്റുകളുടെ പ്രവര്ത്തനം അവലോകനം ചെയ്യുകയായിരുന്നു അദ്ദേഹം.
ആകാശവാണി, ദൂരദര്ശന്, പ്രസ് ഇന്ഫര്മേഷന് ബ്യൂറോ, സെന്ട്രല് ബ്യൂറോ ഓഫ് കമ്മ്യൂണിക്കേഷന് എന്നിവയുള്പ്പെടെയുള്ള മന്ത്രാലയത്തിന്റെ യൂണിറ്റുകള് സമൂഹ മാധ്യമങ്ങളിലെ പ്രവര്ത്തനങ്ങള് വര്ദ്ധിപ്പിക്കണമെന്നും അദ്ദേഹം ഊന്നിപ്പറഞ്ഞു. ദൂരദര്ശന്, ആകാശവാണി, പിഐബി, സിബിസി തുടങ്ങിയവയുടെ മുതിര്ന്ന ഉദ്യോഗസ്ഥര് യോഗത്തില് പങ്കെടുത്തു.
