ഇന്തോനേഷ്യ ഓപ്പണ്‍; പുരുഷ ഡബിള്‍സ് കിരീടം നേടി സാത്വിക് സായിരാജ് രങ്കിറെഡ്ഡിയും ചിരാഗ് ഷെട്ടിയും

ജക്കാര്‍ത്ത: ഇന്തോനേഷ്യ ഓപ്പണ്‍ 2023 പുരുഷ ഡബിള്‍സ് കിരീടം നേടി ഇന്ത്യന്‍ സഖ്യമായ സാത്വിക്സായിരാജ് രങ്കിറെഡ്ഡിയും ചിരാഗ് ഷെട്ടിയും.മലേഷ്യന്‍ ലോക ചാമ്പ്യന്‍മാരായ ആരോണ്‍ ചിയയെയും സോഹ് വൂയിയെയും തോല്‍പ്പിച്ചാണ് കിരീട നേട്ടം. സ്‌കോര്‍ 21-17, 21-18.

ഇതോടെ സൂപ്പര്‍ 1000 ബാഡ്മിന്റണ്‍ ടൂര്‍ണമെന്റ് നേടുന്ന ആദ്യ ഇന്ത്യക്കാരായി സാത്വിക്സായിരാജ് റാങ്കിറെഡ്ഡിയും ചിരാഗ് ഷെട്ടിയും. എതിരാളികള്‍ക്ക് ലഭിച്ച നാല് മാച്ച് പോയിന്റുകള്‍ മറികടന്നാണ് വിജയം നേടിയത്.

സെമിഫൈനലില്‍ കൊറിയന്‍ താരങ്ങളായ കാങ് മിന്‍ ഹ്യൂക്ക്, സിയോ സിയോങ് ജെയ് എന്നിവരെ 17-21, 21-19, 21-18 എന്ന സ്‌കോറിന് പരാജയപ്പെടുത്തിയാണ് ഇന്ത്യന്‍ സഖ്യം ഫൈനലില്‍ കടന്നത്.  

പി വി സിന്ധു, കിദംബി ശ്രീകാന്ത്, ലക്ഷ്യ സെന്‍ തുടങ്ങിയ ഇന്ത്യന്‍ താരങ്ങള്‍ നേരത്തേ ടൂരണമെന്റില്‍ നിന്ന് പുറത്തായിരുന്നു.