മേടക്കൂറ്: അശ്വതി, ഭരണി, കാര്ത്തിക (¼)
പോലീസ് ഉദ്യോഗസ്ഥര്ക്ക് ഉന്നത സ്ഥാനത്തേക്ക് പ്രൊമോഷന് ലഭിക്കും. വരവിനെക്കാള് ചെലവ് വര്ധിക്കും. ക്ഷേത്രസംബന്ധമായി ജോലി ചെയ്യുന്നവര്ക്ക് വരുമാനം വര്ധിക്കും. മാസാദ്യത്തെക്കാള് അന്ത്യം ശോഭനമാണ്.
ഇടവക്കൂറ്: കാര്ത്തിക (¾), രോഹിണി, മകയിരം (½)
രോഗികള്ക്ക് ആശ്വാസം അനുഭവപ്പെടും. അയല്ക്കാരുമായും മറ്റ് ബന്ധുക്കളുമായും രമ്യതയില് വര്ത്തിക്കും. ചില പുതിയ ഉത്തരവാദിത്വങ്ങള് ഏറ്റടുക്കേണ്ടിവരും. സ്തുതിപാഠകന്മാര് മുഖേന ചില്ലറ ശല്യങ്ങളുണ്ടാകും.
മിഥുനക്കൂറ്: മകയിരം (½), തിരുവാതിര, പുണര്തം (¾)
ആദായമാര്ഗ്ഗങ്ങള് വര്ധിക്കും. പുണ്യസ്ഥലങ്ങള് സന്ദര്ശിക്കുവാനുള്ള അവസരം ലഭിക്കും. വ്യവഹാരാദികളിലോ മറ്റു മത്സരങ്ങളിലോ വിജയിക്കും. സുഖാരോഗ്യസ്ഥിതി അനുഭവപ്പെടും. ക്രയവിക്രയങ്ങള് പ്രതീക്ഷിക്കുന്ന വിധത്തില് നടത്തുവാന് സാധിക്കും. ആഡംബര വസ്തുക്കള് സമ്പാദിക്കും.
കര്ക്കടകക്കൂറ്: പുണര്തം (¼), പൂയം, ആയില്യം
സര്ക്കാരുമായി ബന്ധപ്പെട്ട കാര്യങ്ങളില് അനുകൂലമായ തീരുമാനങ്ങളുണ്ടാകും. സന്താനങ്ങളുടെ ഉയര്ച്ചയില് സംതൃപ്തി അനുഭവപ്പെടും. കുടുംബസ്വത്തിന്റെ കാര്യത്തില് അനുകൂലമായ തീരുമാനങ്ങളുണ്ടാകും. അനാവശ്യ ചര്ച്ചകളില്നിന്ന് ഒഴിഞ്ഞുനില്ക്കുന്നതായിരിക്കും നന്ന്.
ചിങ്ങക്കൂറ്. മകം, പൂരം, ഉത്രം (¼)
ഉദ്യോഗക്കയറ്റവും ശമ്പള വര്ധനയും ഉണ്ടാകും. വിദേശയാത്ര ചെയ്യാനവസരമുണ്ടാകും. ഔദ്യോഗിക രംഗത്തെ നേട്ടങ്ങള് മുഖേന മനസ്സിന് സന്തോഷമുണ്ടാകും. കുടുംബത്തില് നേരിട്ട ദുരിതങ്ങള് അകലും. വീട് ഭാഗം വച്ച് സ്വത്ത് അധീനതയില് വന്നുചേരും.
കന്നിക്കൂറ്: ഉത്രം (¾), അത്തം, ചിത്തിര (½)
സാമ്പത്തികപുരോഗതിയുണ്ടാകും. കര്ഷകര്ക്ക് കൃഷിയില്നിന്ന് ആദായം ലഭിക്കും. സ്വന്തം കാര്യങ്ങള്ക്കായി പണം ചെലവഴിക്കേണ്ടിവരും. ബന്ധുക്കളില്നിന്ന് സഹായം ലഭിക്കും. വിവാഹകാര്യങ്ങള് തീരുമാനമാകും. കമ്പ്യൂട്ടര് വിപണനരംഗത്ത് പ്രവര്ത്തിക്കുന്നവര്ക്ക് അനുകൂല സമയാണ്.
തുലാക്കൂറ്: ചിത്തിര (½), ചോതി, വിശാഖം (¾)
വിദ്യാഭ്യാസപരമായി ഉയര്ച്ചയുണ്ടാകും. ചില രംഗങ്ങളില് കര്മശേഷി പ്രദര്ശിപ്പിക്കാതെ ഉദാസീനത പ്രകടിപ്പിക്കും. ദാമ്പത്യജീവിതം സുഖകരമായിരിക്കും. സുഖഭോഗങ്ങള്ക്കായി പണം ചെലവഴിക്കേണ്ടിവരും. ഉന്നതരായ വ്യക്തികളുമായി ബന്ധപ്പെടാനും നേട്ടംവരാനും സാധ്യതയുണ്ട്.
വൃശ്ചികക്കൂറ്: വിശാഖം (¼), അനിഴം, തൃക്കേട്ട
നിയമജ്ഞര്ക്ക് പേരും പ്രശസ്തിയും വര്ധിക്കും. സര്ക്കാരില്നിന്ന് പ്രതീക്ഷിക്കുന്ന ആനുകൂല്യങ്ങള്ക്ക് കാലതാമസം നേരിടും. മിക്ക ആഗ്രഹങ്ങളും സഫലീകരിക്കപ്പെടും. പുതിയ കര്മരംഗം കണ്ടെത്തുകയും അതില് വിജയിക്കുകയും ചെയ്യും.
ധനുക്കൂറ്: മൂലം, പൂരാടം, ഉത്രാടം (¼)
പ്രതീക്ഷിക്കാതത കേന്ദ്രത്തില്നിന്ന് പണം ലഭിക്കും. ഉന്നതവിദ്യാഭ്യാസ രംഗത്ത് പുരോഗതിയുണ്ടാവും. ദൂരയാത്രകള് പ്രയോജനകരമാകും. പല അപകടങ്ങളും ദൈവാധീനം മൂലം ഒഴിവായി കിട്ടും. പുണ്യസ്ഥലങ്ങള് സന്ദര്ശിക്കാനിടയുണ്ട്.
മകരക്കൂറ്: ഉത്രാടം (¾), തിരുവോണം, അവിട്ടം (½)
ആരാധനാലയങ്ങളുടെ നന്മയ്ക്കായി പല ത്യാഗങ്ങളും അനുഷ്ഠിക്കും. കര്മസ്ഥാനത്ത് പുതിയ വ്യക്തികള് വന്നുചേരുകയും അവരെക്കൊണ്ട് പ്രയാസങ്ങള് അനുഭവിക്കുകയും ചെയ്യും. വ്യവസായത്തില് ചില്ലറ പ്രയാസങ്ങള് അനുഭവിക്കുകയും ചെയ്യും. അപ്രതീക്ഷിതമായ യാത്രകള് ആവശ്യമായി വന്നേക്കും.
കുംഭക്കൂറ്: അവിട്ടം (½), ചതയം, പൂരുരുട്ടാതി (¾)
യന്ത്രങ്ങളുമായി ബന്ധപ്പെട്ട് ഏര്പ്പാടുകളില്നിന്ന് വരുമാനം വര്ധിക്കും. വിദേശത്തുനിന്ന് കൂടുതല് ആദായങ്ങള് ഉണ്ടാകും. സ്ത്രീകള് നിമിത്തം മാനഹാനി വരുന്നതാണ്. കാര്യങ്ങള് ഒന്നും നേരെ വരാതെ വിഷമിക്കും. കളവ്, വഞ്ചന മുതലായവയ്ക്ക് വിധേയമായി വരും.
മീനക്കൂറ്: പൂരുരുട്ടാതി (¼), ഉതൃട്ടാതി, രേവതി
ചില പുതിയ കോണ്ട്രാക്ടുകള് ഏറ്റെടുക്കാനിടയുണ്ട്. വീടോ വാഹനങ്ങളോ വാങ്ങാന് സാധ്യതയുണ്ട്. തൊഴില്രഹിതര്ക്ക് പുതിയതായി ജോലിയില് പ്രവേശിക്കാനവസരമുണ്ടാകും. തൊഴില് സ്ഥാനത്ത് പരിഷ്കാരങ്ങള് വരുത്തും.
