ഇന്ത്യ ഒട്ടാകെ കാത്തിരിക്കുന്ന പ്രഭാസ് നായകനാകുന്ന പ്രോജക്ട് കെ ഏറ്റവും ചെലവേറിയ ഇന്ത്യന് സിനിമയായിട്ടാണ് എത്തുന്നത്. വൈജയന്തി മൂവീസ് നിര്മിക്കുന്ന അമ്പതാമത്തെ ചിത്രം കൂടിയാണ് ഇത്. നാഗ് അശ്വിന്റെ സംവിധാനത്തില് ഒരുങ്ങുന്ന ചിത്രത്തിനായി പ്രത്യേക പ്രൊമോഷന് ക്യാമ്പയിന് തന്നെയാണ് നടന്നത്. ‘ഫ്രം സ്ക്രാച്ച്’ എന്ന പേരില് പ്രീ പ്രൊഡക്ഷന് സമയത്ത് നടന്ന വര്ക്കുകളുടെ വീഡിയോ പുറത്തുവിട്ടതിന് ശേഷം ഇപ്പോഴിതാ താരങ്ങളുടെ പിറന്നാള് ദിനങ്ങളില് പ്രി ലുക്ക് പോസ്റ്റര് റിലീസ് ചെയ്യുകയാണ് അണിയറപ്രവര്ത്തകര്.
പ്രഭാസ്, ദീപിക പദുക്കോണ്, അമിതാബ് ബച്ചന് തുടങ്ങിയവരുടെ പ്രി ലുക്ക് പോസ്റ്റര് റിലീസുകള്ക്ക് ശേഷം ദിഷ പതാനിയുടെ പിറന്നാള് ദിനമായ ഇന്ന് പ്രി ലുക്ക് പോസ്റ്റര് റിലീസ് ചെയ്തിരിക്കുകയാണ്. ഒരു ബ്രൈഡല് വേഷത്തില് ദിഷ പോസ്റ്ററില് ഉള്ളത് കാണാം.
വേള്ഡ് ക്ലാസ് പ്രൊഡക്ഷന് രീതിയിലാണ് ചിത്രം ഒരുങ്ങുന്നത്. സംവിധായകന് നാഗ് അശ്വിന് അത്രമേല് സൂക്ഷമതയോടെയാണ് തിരക്കഥ സ്വീകരിക്കുന്നത്. പ്രൊഡക്ഷന് ക്വാളിറ്റിയിലും ടെക്നിക്കല് രീതിയിലും ചിത്രം ഇതുവരെ കാണാത്ത ഒരു മായാലോകം പ്രേക്ഷകര്ക്ക് മുന്നില് ഒരുക്കുമെന്ന് തീര്ച്ച.
ടോളിവുഡിലെ ഏറ്റവും വലിയ പ്രൊഡക്ഷന് ഹൗസായ വൈജയന്തി മൂവീസ് അമ്പതാം വര്ഷത്തിലേക്ക് കടക്കുമ്പോള് അങ്ങേയറ്റം അഭിമാനത്തോടെയാണ് ഈ ഗോള്ഡന് ജൂബിലി പ്രോജക്ട് പുറത്തുവിടുന്നത്. വൈജയന്തി മൂവീസിന്റെ ബാനറില് അശ്വിനി ധത്ത് ചിത്രം നിര്മിക്കുന്നു. സംക്രാന്തി നാളില് ജനുവരി 12, 2024 ല് ചിത്രം തീയേറ്ററുകളിലെത്തും.
പിആര്ഒശബരി
