ഇന്തോനേഷ്യ ഓപ്പണ്‍; പ്രി ക്വാര്‍ട്ടറില്‍ പിവി സിന്ധുവും എച്ച്എസ് പ്രണോയിയും ബുധനാഴ്ച കളത്തിലിറങ്ങും

ജക്കാര്‍ത്ത:  ഇന്തോനേഷ്യ ഓപ്പണ്‍ ബാഡ്മിന്റണ്‍ ടൂര്‍ണമെന്റിന്റെ പ്രി ക്വാര്‍ട്ടര്‍ ഫൈനലില്‍ പിവി സിന്ധുവും എച്ച്എസ് പ്രണോയിയും  ബുധനാഴ്ച കളത്തിലിറങ്ങും.

പുരുഷ സിംഗിള്‍സില്‍ ഇന്നലെ നടന്ന ആദ്യ റൗണ്ടില്‍ 21-16, 21-14 എന്ന സ്‌കോറിന് ലോക 11-ാം നമ്പര്‍ താരം ജപ്പാന്റെ കെന്റ നിഷിമോട്ടോയെ തോല്‍പ്പിച്ച് എച്ച്എസ് പ്രണോയ് രണ്ടാം റൗണ്ടില്‍ കടന്നു. രണ്ടാം റൗണ്ടില്‍ പ്രണോയ് ലോക 16-ാം നമ്പര്‍ താരം ആംഗസ് എന്‍ഗ് കാ ലോങ്ങിനെ നേരിടും.

പി വി സിന്ധു  തായ്വാന്റെ തായ് സൂ-യിംഗുമായാണ് പ്രി ക്വാട്ടറില്‍  ഏറ്റുമുട്ടുക.ഫ്രഞ്ച് ജോഡികളായ ക്രിസ്റ്റോ പോപോവ്-തോമ ജൂനിയര്‍ സഖ്യത്തെ 21-12, 11-7 എന്ന സ്‌കോറിന് തോല്‍പ്പിച്ച ഇന്ത്യന്‍ ജോഡികളായ സാത്വിക്സായിരാജ് രങ്കിറെഡ്ഡി-ചിരാഗ് ഷെട്ടി സഖ്യം രണ്ടാം റൗണ്ടില്‍ ചൈനീസ് ജോഡിയായ ഷൗ ഹാവോഡോങ്-ഹി ജിറ്റിംഗിനെ നേരിടും.

പുരുഷ ഡബിള്‍സ് മത്സരത്തില്‍ മലേഷ്യന്‍ ജോഡികളായ ഓങ് യ്യൂ സിന്‍-തിയോ ഈ യി എന്നിവരോട് തോറ്റ ഇന്ത്യയുടെ എംആര്‍ അര്‍ജുന്‍-ധ്രുവ് കപില സഖ്യത്തിന് രണ്ടാം റൗണ്ടില്‍ എത്താനായില്ല. ഈ മാസം  13 ന് ആരംഭിച്ച ടൂര്‍ണമെന്റ്  18 ന് സമാപിക്കും.