കൊല്ലം: സേവാഭാരതി ആംബുലന്‍സിന് നേരെ ഡിവൈഎഫ്ഐ ആക്രമണം. വെള്ളിയാഴ്‌ച്ച രാത്രി 9 മണിയോടെ ഉളിയകോവില്‍ കണ്ണമത്ത് ക്ഷേത്രത്തിന് സമീപമായിരുന്നു ആക്രമണം.ഡിവൈഎഫ്ഐ പ്രവര്‍ത്തകരായ മനു, ആദര്‍ശ്, കിട്ടു, തുടങ്ങിയവരുടെ നേതൃത്വത്തിലാണ് അക്രമണം നത്തിയത്.
റോഡിന്റെ വശത്ത് നിന്ന് മദ്യപിക്കുകയായിരുന്ന സംഘം ആംബുലന്‍സ് കണ്ട് പോലീസ് ജീപ്പ് എന്ന് തെറ്റിദ്ധരിച്ച് ഓടുകയും പിന്നീട് തിരിച്ചെത്തി ആംബുലന്‍സ് തടഞ്ഞു നിര്‍ത്തി ഡോര്‍ വലിച്ച് തുറന്ന് ഡ്രൈവറെ റോഡിലേക്ക് വലിച്ചിറക്കി ക്രൂരമായി മര്‍ദിച്ചു.
ഉളിയകോവില്‍ സ്വദേശി ശരത്തിനാണ് മര്‍ദനമേറ്റത്. ശരത്തിന്റെ പോക്കറ്റില്‍ ഡീസല്‍ അടിക്കാന്‍ സൂക്ഷിച്ചിരുന്ന 5000 രൂപയും അക്രമിസംഘം അപഹരിച്ചു. മര്‍ദനത്തില്‍ പരിക്കേറ്റ ശരത്തിനെ ജില്ലാ ആശുപത്രിയില്‍ പ്രവേശിപ്പിച്ചു. സേവാഭാരതി നഗര്‍ സമിതി ഈസ്റ്റ് പോലീസില്‍ പരാതി നല്‍കി.
പ്രതികരിക്കാൻ ഇവിടെ എഴുതുക: