ബെംഗളൂരു:ആര്‍ഭാടം നിറഞ്ഞ വിവാഹങ്ങളുടെ രീതികളില്‍ നിന്നും പാടെ മാറി തികച്ചും സ്വകാര്യമായി വീട്ടില്‍ നടന്ന ലളിതമായ ചടങ്ങില്‍ കേന്ദ്രമന്ത്രി നിര്‍മ്മല സീതാരാമന്റെ മകള്‍ വിവാഹിതയായി. മന്ത്രിയുടെ ബെംഗളൂരുവിലെ വസതിയില്‍ വെച്ചായിരുന്നു പാരമ്പര്യശൈലിയിലുള്ള വിവാഹച്ചടങ്ങ്.
പ്രമുഖ രാഷ്‌ട്രീയ നേതാക്കള്‍ ആരും തന്നെ ചടങ്ങിനെത്തിയിരുന്നില്ല. നിര്‍മ്മല സീതാരാമന്റെ മകള്‍ പറക്കല വാംഗമയിയുടെ പ്രതീകുമായുള്ള വിവാഹം ബ്രാഹ്മണപാരമ്പര്യം നിലനിര്‍ത്തിക്കൊണ്ടുള്ളതായിരുന്നു.
ഉഡുപ്പി അഡമാരു മഠത്തിലെ സ്വാമിമാര്‍ വരനെയും വധുവിനെയും അനുഗ്രഹിച്ചു. പിങ്ക് സാരിയിലും പച്ച ബ്ലൗസിലുമായിരുന്നു വധുവെങ്കില്‍ വരന്‍ വെള്ള പാഞ്ചയും ഷാളുമാണ് ധരിച്ചത്.
പ്രതികരിക്കാൻ ഇവിടെ എഴുതുക: