തിരുവനന്തപുരം:അയല്‍വാസിയുടെ ക്രൂരമായ മര്‍ദ്ദനമേറ്റ് മെഡിക്കല്‍ കോളേജില്‍ ചികിത്സയിലായിരുന്നയാള്‍ മരിച്ചു. വെള്ളറട മലയിന്‍കാവിലാണ് സംഭവം. ഹെല്‍മറ്റ് കൊണ്ടുള്ള മര്‍ദ്ദനത്തിലും തുടര്‍ന്ന് നടന്ന ആക്രമണത്തിലും ഗുരുതരമായി പരിക്കേറ്റ് ചികിത്സയിലായിരുന്ന മലയിന്‍കാവ് നന്ദനത്തില്‍ പരേതനായ പരമേശ്വരന്‍ നായരുടെയും ശാന്തകുമാരിയുടെയും മകന്‍ ശാന്തകുമാര്‍ (45) ആണ് മരണപ്പെട്ടത്. ജൂണ്‍ മൂന്നാം തീയതിയാണ് സംഭവം.
ശാന്തകുമാറിന്റെ അയല്‍വാസിയായ അക്കാനി മണിയന്‍ എന്ന് വിളിക്കുന്ന മണിയനാണ് ശാന്തകുമാറിനെ മര്‍ദ്ദിച്ചത്. ആദ്യം ഹെല്‍മറ്റ് ഉപയോഗിച്ച് ശാന്തകുമാറിന്റെ തലയ്‌ക്കടിക്കുകയായിരുന്നു അവശനായി വീട്ടിലെത്തിയ ശാന്തകുമാര്‍ സംഭവം ജ്യേഷ്ഠന്‍ നന്ദകുമാറിനെ അറിയിക്കുകയായിരുന്നു. നന്ദകുമാറും ശാന്തകുമാറും ചേര്‍ന്ന് അക്രമിയോട് വിവരം തിരക്കാന്‍ ചെന്നപ്പോള്‍ അക്രമിയായ മണിയന്‍ വീണ്ടും ശാന്തകുുമാറിനെ ചവിട്ടി വീഴ്‌ത്തുകയായിരുന്നു. റോഡ് വക്കീലെ ഓടയില്‍ തലയിടിച്ച് വീണ ശാന്തകുമാറിനെ ഗുരുതര പരിക്കുകളോടെ ആദ്യം വെള്ളറട സര്‍ക്കാര്‍ ആശുപത്രിയിലും തുടര്‍ന്ന് തിരുവനന്തപുരം മെഡിക്കല്‍ കോളേജ് ആശുപത്രിയിലും പ്രവേശിച്ചു. ചികിത്സയിലിരിക്കെ വ്യാഴാഴ്ച ഉച്ചയോടെ മരിച്ചു. മൃതദേഹം തിരുവനന്തപുരം മെഡിക്കല്‍ കോളേജ് ഇന്ന് പോസ്റ്റ്‌മോര്‍ട്ടം നടപടികള്‍ പൂര്‍ത്തിയാക്കിയ ശേഷം ബന്ധു ബന്ധുക്കള്‍ക്ക് വിട്ടു നല്‍കി..
പ്രതികരിക്കാൻ ഇവിടെ എഴുതുക: