മദ്യലഹരിയിൽ പിതാവ് ആറ്‌ വയസുള്ള മകളെ വെട്ടിക്കൊന്നു

മാവേലിക്കര: മദ്യലഹരിയിൽ പിതാവ് ആറ്‌ വയസുള്ള മകളെ പിതാവ് വെട്ടിക്കൊന്നു. മാവേലിക്കര പുന്നമൂട് ആനക്കൂട്ടിൽ ശ്രീ ധന്യയിൽ നക്ഷത്രയെയാണ് പിതാവ് മഹേഷ് മഴുവിന് തലയ്‌ക്ക് വെട്ടി കൊലപ്പെടുത്തിയത്.  

രാത്രി 8.30 ഓടെയാണ് സംഭവം. മദ്യലഹരിയിൽ ആയിരുന്ന ഇയാൾ അമ്മയുമായി വഴക്കുണ്ടാക്കുകയും ഇവരെ ആക്രമിക്കുകയും ചെയ്തു. ഇവരുടെ നിലവിളി കേട്ട് അയൽവാസികൾ ഓടിയെത്തി ഇവരെ രക്ഷപ്പെടുത്തി. തുടർന്ന് മുറിക്കുള്ളിൽ കയറിയ മഹേഷ് അവിടെ ഉണ്ടായിരുന്ന മകളുടെ തലയ്‌ക്ക് വെട്ടുകയായിരുന്നു.  

വെട്ടു കൊണ്ട കുട്ടി തൽക്ഷണം മരിക്കുകയായിരുന്നു. ഇയാളുടെ അക്രമത്തിൽ സാരമായി പരിക്കേറ്റ മഹേഷിന്റെ അമ്മയെ നാട്ടുകാർ ആശുപത്രിയിൽ പ്രവേശിപ്പിച്ചു.