കൊച്ചി : ഗസ്റ്റ് ലക്ചറര് നിയമനത്തിനായി മഹാരാജാസ് കോളേജിലെ വ്യാജ സര്ട്ടിഫിക്കറ്റ് ഹാജരാക്കിയ കെ. വിദ്യയുടെ പിഎച്ച്ഡിയുടെ പ്രവേശനം കാലടി സര്വകലാശാല പരിശോധിക്കും. വ്യാജരേഖയുണ്ടാക്കി നിയമനം നേടിയെടുത്തതിന്റെ പശ്ചാത്തലത്തിലാണ് വിദ്യയ്ക്കെതിരെ അന്വേഷണത്തിന് ഒരുങ്ങുന്നത്.
2019 ലാണ് വിദ്യ പിഎച്ച്ഡിക്ക് ചേര്ന്നത്. നിയമനവുമായി ബന്ധപ്പെട്ട് നല്കിയ രേഖകള് സംബന്ധിച്ചും സര്വകലാശാല പരിശോധിച്ചും. അതേസമയം വിദ്യ വ്യാജ സര്ട്ടിഫിക്കറ്റ് ഉപയോഗിച്ച് കണ്ണൂര് സര്വ്വകലാശാല മൂല്യ നിര്ണ്ണയ ക്യാമ്പില് പങ്കെടുത്തതായും റിപ്പോര്ട്ടുകള് പുറത്തുവന്നിട്ടുണ്ട്. ഡിഗ്രി ഒന്ന്, മൂന്ന് നാല് സെമിസ്റ്റര് പരീക്ഷകളുടെ മൂല്യ നിര്ണയത്തിനായാണ് വിദ്യ പിഎച്ച്ഡിക്ക് ചേര്ന്നത്. മൂന്ന് വര്ഷത്തെ അധ്യാപന പരിചയം ഉണ്ടെങ്കില് മാത്രമേ മൂല്യ നിര്ണയത്തിന് പങ്കെടുക്കാന് സാധിക്കൂ. എന്നാല് മൂല്യ നിര്ണയത്തിന് വേണ്ടത്ര അധ്യാപകരെ ലഭിക്കാതെയാകുമ്പോള് ഇളവുകള് നല്കാറുണ്ട്. ഇത്തരത്തിലാകും വിദ്യ മൂല്യ നിര്ണയ ക്യാമ്പില് എത്തിയത്.
ജോലിക്കായി വ്യാജരേഖ ചമച്ച കേസില് കെ വിദ്യക്കെതിരെ ജാമ്യമില്ലാ വകുപ്പ് ചുമത്തി. ഏഴ് വര്ഷം വരെ തടവ് ലഭിക്കാവുന്ന കുറ്റമാണ് വിദ്യയ്ക്കെതിരെ ചുമത്തിയിട്ടുള്ളത്. വഞ്ചിക്കണം എന്ന ഉദ്ദേശത്തോടെ വ്യാജരേഖ ഉണ്ടാക്കിയെന്നാണ് കേസില് പറയുന്നത്.
മഹാരാജാസ് കോളേജില് 2018 മുതല് 2021 വരെ താത്കാലിക അധ്യാപികയായി ജോലി ചെയ്തെന്ന വ്യാജ രേഖയാണ് വിദ്യ അട്ടപ്പാടി ഗവണ്മെന്റ് കോളേജില് താത്കാലിക അധ്യാപക നിയമനത്തിനായി ഹാജരാക്കിയത്. മഹാരാജാസ് കോളേജ് പ്രിന്സിപ്പലിന്റെ ഒപ്പും സീലും ഉള്പ്പെടുത്തി ഉണ്ടാക്കിയ ഈ സര്ട്ടിഫിക്കറ്റിന്റെ പകര്പ്പായിരുന്നു അത്. സര്ട്ടിഫിക്കറ്റില് സംശയം തോന്നിയ അധ്യാപകര് മഹാരാജാസ് കോളേജുമായി ബന്ധപ്പെട്ട് അന്വേഷിക്കുകയായിരുന്നു. തുടര്ന്ന് മഹാരാജാസ് കോളേജ് പ്രിന്സിപ്പല് എറണാകുളം സെന്ട്രല് പോലീസില് പരാതി നല്കുകയായിരുന്നു. കേസ് രജിസ്റ്റര് ചെയ്തത്.
സംഭവത്തില് മഹാരാജാസ് കോളേജ് പ്രിന്സിപ്പലില് നിന്ന് കൊച്ചി സെന്ട്രല് പോലീസ് മൊഴിയെടുത്തു. കോളേജിന്റെ ഭാഗത്ത് നിന്ന് വിദ്യക്ക് യാതൊരു സഹായവും കിട്ടിയിട്ടില്ലെന്നും അട്ടപ്പാടി കോളേജില് നിന്ന് വിവരം കിട്ടിയപ്പോള് മാത്രമാണ് സംഭവം അറിഞ്ഞതെന്ന് പ്രിന്സിപ്പല് പോലീസിനെ അറിയിച്ചിട്ടുണ്ട്.
