ഫ്രഞ്ച് ഓപ്പണ്‍: സിറ്റ്‌സിപ്പാസും മെര്‍ട്ടെന്‍സും മൂന്നാം റൗണ്ടില്‍

പാരിസ്: ഫ്രഞ്ച് ഓപ്പണ്‍ ടെന്നിസില്‍ വമ്പന്‍ താരങ്ങളായ സ്റ്റെഫാനോസ് സിറ്റ്‌സിപ്പാസ്, എലിസെ മെര്‍ട്ടെന്‍സ്, ജെസ്സീക്ക പെഗ്യൂല, ഡീഗോ ഷ്വാര്‍ട്‌സ്മാന്‍ എന്നിവര്‍ മൂന്നാം റൗണ്ടില്‍ പ്രവേശിച്ചു. അട്ടിമറികള്‍ക്ക് ഇന്നലെയും കുറവുണ്ടായില്ല. ലാത്വിയക്കാരി യലേന ഒസ്ടാപെങ്കോ രണ്ടാം റൗണ്ട് മത്സരത്തില്‍ പരാജയപ്പെട്ടു. അമേരിക്കയുടെ പെയ്‌ടോന്‍ സ്റ്റിയേണ്‍സ് ആണ് താരത്തെ പരാജയപ്പെടുത്തിയത്.

സ്പാനിഷ് താരം റോബര്‍ട്ടോ കാര്‍ബെല്ലെസ് ബയേനയെ കീഴടക്കിയാണ് ഗ്രീക്ക് താരം സ്‌റ്റെപാനോസ് സിറ്റ്‌സിപ്പാസിന്റെ മുന്നേറ്റം. ആദ്യ റൗണ്ട് മത്സരത്തെ അപേക്ഷിച്ച് കളി  നല്ലപോലെ മെച്ചപ്പെടുത്തിയാണ് ഈ ടോപ് സീഡ് താരത്തിന്റെ വിജയം. സ്‌കോര്‍: 6-3, 7-6(7-4), 6-2.

വനിതാ സിംഗിള്‍സ് പോരാട്ടത്തില്‍ ബെല്‍ജിയം താരം എലിസെ മെര്‍ട്ടെന്‍സിന് മുന്നില്‍ കൊളംബിയയുടെ കാമില ഒസോരിയോ ആണ് രണ്ടാം റൗണ്ട് മത്സരത്തില്‍ പരാജയപ്പെടുത്തിയത്. സ്‌കോര്‍: 6-3, 7-6(7-3).

അമേരിക്കന്‍ വനിതാ താരം ജസീക്ക പെഗ്യൂലയ്‌ക്ക് മൂന്നാം റൗണ്ടിലേക്ക് വാക്കോവര്‍ ലഭിക്കുകയായിരുന്നു. ഇറ്റാലിയന്‍ താരം കാമില ജിയോര്‍ജിയെ ആദ്യ സെറ്റില്‍ പെഗ്യൂല കീഴടക്കി നില്‍ക്കുമ്പോള്‍ മത്സരം നിര്‍ത്തവയ്‌ക്കുകയായിരുന്നു. പരിക്ക് കാരണം ജിയോര്‍ജി പിന്‍മാറിയതോടെ പെഗ്യൂല വിജയിയായി.

വനിതാ സിംഗിള്‍സ് പോരാട്ടത്തില്‍ അനാസ്താഷിയ പവ്‌ലുചെങ്കോവ ലിയുഡ്മില സാംസോനോവയെ ആണ് പരാജയപ്പെടുത്തിയത്. മറ്റൊരു രണ്ടാം റൗണ്ട് മത്സരത്തില്‍ സൂപ്പര്‍ താരം അരൈന സബലെങ്ക സ്വന്തം നാട്ടുകാരിയായ ഇരൈന ഷിമനോവിച്ചിനെ തോല്‍പ്പിച്ചു. നേരിട്ടുള്ള സെറ്റുകള്‍ക്കായിരുന്നു സബലെങ്കയുടെ വിജയം. സ്‌കോര്‍: 7-5, 6-2.