തിരുവനന്തപുരം: പ്രമുഖ ഭാഷാ പണ്ഡിതനും എഴുത്തുകാരനും മലയാളം അദ്ധ്യാപകനുമായ വെള്ളായണി അര്‍ജുനന്റെ നിര്യാണത്തില്‍ ബിജെപി സംസ്ഥാന അദ്ധ്യക്ഷന്‍ കെ.സുരേന്ദ്രന്‍ അനുശോചിച്ചു. മൂന്ന് ഡി ലിറ്റ് ലഭിച്ച ഇന്ത്യയിലെ ഏക വ്യക്തിയായിരുന്നു അദ്ദേഹത്തിന്റെ വിയോഗം മലയാളഭാഷയ്ക്ക് തീരാനഷ്ടമാണ്.
മലയാളകവിതയില്‍ ശ്രീനാരായണഗുരുവിന്റെ സ്വാധീനം എന്ന വിഷയത്തിലും അലിഗഡ് യൂണിവേഴ്‌സിറ്റിയില്‍ നിന്നും ഹിന്ദി മലയാളം ബന്ധങ്ങളിലെ ഒരുമ: ഒരു താരതമ്യ പഠനം എന്ന വിഷയത്തില്‍ ആഗ്ര യൂണിവേഴ്‌സിറ്റിയില്‍ നിന്നും തെക്കെ ഇന്ത്യന്‍ ഭാഷകളിലെ ഹിന്ദി വാക്കുകളുടെ സ്വാധീനം എന്ന വിഷയത്തില്‍ ജബല്‍പൂര്‍ യൂണിവേഴ്‌സിറ്റിയില്‍ നിന്നും അദ്ദേഹത്തിന് ഡിലിറ്റ് ലഭിച്ചു. ഹിന്ദിയിലെയും മലയാളത്തിലെയും പൊതുശബ്ദങ്ങളെപ്പറ്റി താരതമ്യ പഠനം എന്ന വിഷയത്തില്‍ അലിഡഡ് യൂണിവേഴ്‌സിറ്റിയില്‍ നിന്നും പിഎച്ച്ഡിയും അദ്ദേഹം കരസ്ഥമാക്കി. രാജ്യം പത്മശ്രീ നല്‍കി ആദരിച്ച മഹാനായ ഭാഷാ പണ്ഡിതന്റെ വിയോഗത്തില്‍ കുടുംബത്തിന്റെയും ഭാഷാസ്‌നേഹികളുടെയും ദുഖത്തില്‍ പങ്കുചേരുന്നതായും സുരേന്ദ്രന്‍ പറഞ്ഞു.
പ്രതികരിക്കാൻ ഇവിടെ എഴുതുക: