നവ മാധ്യമ മേഖലയിലെ ശരികേടുകള്‍ തുറന്നുകാട്ടുന്ന വി.കെ. പ്രകാശ്- സുരേഷ് ബാബു ടീമിന്റെ സോഷ്യല്‍ ത്രില്ലര്‍ ‘ലൈവ്’ മികച്ച ജനപ്രീതിയുമായി മുന്നേറുന്നു. മാധ്യമ വേട്ടക്ക് ഇരയായ ഒരു സാധു പെണ്‍കുട്ടിയുടെയും കുടുംബത്തിന്റെയും കഥ പറയുന്ന ത്രില്ലര്‍ ചിത്രമാണ് ഇത്. വര്‍ത്തമാനകാലത്തെ മാധ്യമ പ്രവര്‍ത്തനത്തിന്റെ അപചയവും ഇതില്‍ തുറന്നുകാട്ടുന്നുണ്ട്.
ഫിലിംസ് 24-ന്റെ ബാനറില്‍ ദര്‍പണ്‍ ബംഗേജയും നിതിന്‍ കുമാറും ചേര്‍ന്ന് നിര്‍മിച്ചിരിക്കുന്ന ലൈവില്‍ മമ്ത മോഹന്‍ദാസ്, സൗബിന്‍ ഷാഹിര്‍, ഷൈന്‍ ടോം ചാക്കോ, പ്രിയ വാര്യര്‍ എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കുന്നു. ഡിസംബര്‍ 20, 2022 – ഒരുത്തിയുടെ വിജയത്തിന് ശേഷം സംവിധായകന്‍ വി.കെ. പ്രകാശും തിരക്കഥാകൃത്ത് എസ് സുരേഷ് ബാബുവും ഒന്നിക്കുന്ന ചിത്രമാണ് ലൈവ്. ഫിലിംസ് 24 ന്റെ ബാനറില്‍ ദര്‍പണ്‍ ബംഗേജയും നിതിന്‍ കുമാറും ചേര്‍ന്നാണ് നിര്‍മാണം നിര്‍വഹിച്ചിരിക്കുന്നത്. അവരുടെ ആദ്യത്തെ മലയാള സംരംഭമാണിത്.
രണ്ടുതവണ ദേശീയ പുരസ്‌കാരം നേടിയ നിഖില്‍ എസ് പ്രവീണാണ് ചിത്രത്തിന്റെ ഛായാഗ്രഹകന്‍. സുനില്‍ എസ്. പിള്ളയാണ് ചിത്രസംയോജനം നിര്‍വഹിക്കുന്നത്. പ്രശസ്ത സംഗീതസംവിധായകന്‍ അല്‍ഫോണ്‍സ് സംഗീതവും, ദുന്ദു രഞ്ജീവ് കലാസംവിധാനവും നിര്‍വ്വഹിക്കുന്നു. ട്രെന്‍ഡ്‌സ് ആഡ് ഫിലിം മേക്കേഴ്‌സ് പ്രൈവറ്റ് ലിമിറ്റഡാണ് ലൈന്‍- പ്രൊഡക്ഷന്‍, ലൈന്‍ പ്രൊഡ്യൂസര്‍ ബാബു മുരുകന്‍.
പ്രതികരിക്കാൻ ഇവിടെ എഴുതുക: