കൊച്ചി: സംവിധായകന്‍ അല്‍ഫോണ്‍സ് പുത്രന്റെ ആലുവയിലെ വസതിയില്‍ നിന്നും പിടികൂടിയത് 16 പെരുമ്പാമ്പിന്‍ കുഞ്ഞുങ്ങളെ. ഗേറ്റിലേക്കും മുറ്റത്തേക്കും കയറുന്ന പാമ്പിന്‍ കുഞ്ഞുങ്ങളെ അടുത്തുള്ള ഓട്ടോ ഡ്രൈവറാണ് കണ്ടെത്തിയത്. വീടിനു സമീപത്തായി ജല അതോറിറ്റി ഉപേക്ഷിച്ചു പോയ രണ്ടു പഴയ പൈപ്പുകളുടെ ഉള്ളിലും പാമ്പിന്‍ കുഞ്ഞുങ്ങളെ കണ്ടെത്തി. ഇതിനുള്ളില്‍ പാമ്പിന്റെ മുട്ടകളും ഉണ്ടായിരുന്നു. മണ്ണുകൊണ്ട് ഒരുഭാഗം മൂടിയ പൈപ്പിന്റെ മറുഭാഗം നാട്ടുകാര്‍ ചില്ലുകൊണ്ടു പൊതിഞ്ഞു.
അല്‍ഫോണ്‍സ് പുത്രന്റെ വീട്ടില്‍ നിന്നും പിടികൂടിയ പാമ്പുകളെ പാമ്പുപിടുത്ത വിദഗ്ധന്‍ ഷൈനും നാട്ടുകാരും ചേര്‍ന്ന് ചാക്കില്‍ക്കെട്ടി വനംവകുപ്പിന് കൈമാറി.
പ്രതികരിക്കാൻ ഇവിടെ എഴുതുക: