തിരുവനന്തപുരം: ബാലാവകാശ സംരക്ഷണ പ്രസ്ഥാനമായ സൗരക്ഷികയുടെ 22-ാം സംസ്ഥാന വാര്‍ഷിക സമ്മേളനം നാളെ. തിരുവനന്തപുരം സംസ്‌കൃതിഭവനില്‍ നടക്കുന്ന സമ്മേളനവും വെബ്‌സൈറ്റ് പ്രകാശനവും രാവിലെ 10ന് റിട്ട. ഹൈക്കോടതി ജഡ്ജി ജസ്റ്റിസ് എം.ആര്‍. ഹരിഹരന്‍ നായര്‍ ഉദ്ഘാടനം ചെയ്യും.
സൗരക്ഷിക സംസ്ഥാന അധ്യക്ഷന്‍ അഡ്വ. എം. ശശിശങ്കര്‍ അധ്യക്ഷനാകും. ബാലഗോകുലം സംസ്ഥാന അധ്യക്ഷന്‍ ആര്‍. പ്രസന്നകുമാര്‍ മുഖ്യപ്രഭാഷണം നടത്തും.
സംസ്ഥാന ജനറല്‍ സെക്രട്ടറി ജി. സന്തോഷ്‌കുമാര്‍, സമിതി അംഗം ബിന്ദു മുക്കോല, ഡോ. സോജാ ഗോപാലകൃഷ്ണന്‍, സംഘടനാ കാര്യദര്‍ശി വി.കെ. രാജ്‌മോഹന്‍, സ്വാഗതസംഘം ചെയര്‍മാന്‍ ഡോ. സി. സുരേഷ്‌കുമാര്‍, സംസ്ഥാന ഉപാധ്യക്ഷന്‍ മനീഷ് ശ്രീകാര്യം, സൗരക്ഷിക ജില്ലാ ജനറല്‍ സെക്രട്ടറി രജീഷ് രാജ് എന്നിവര്‍ സംസാരിക്കും. ഹിന്ദുമഹിളാ മന്ദിരം പ്രസിഡന്റ് രാധാലക്ഷ്മി പത്മരാജനെയും തണല്‍ ഡയറക്ടര്‍ ആര്‍. ഗീതാലക്ഷ്മിയെയും ആദരിക്കും.
പ്രതികരിക്കാൻ ഇവിടെ എഴുതുക: