കൊച്ചി : മദ്യപിച്ച് വാഹനം ഓടിച്ച ബസ് ഡ്രൈവര് പോലീസ് പിടിയില്. കാലടി- അങ്കമാലി റൂട്ടില് ഏഞ്ചല് എന്ന ബസ് ഓടിച്ച ഡ്രൈവര് അയ്യമ്പുഴ സ്വദേശി രമേശിനെയാണ് പോലീസ് പിടികൂടിയത്. ബസും കസ്റ്റഡിയില് എടുത്തിട്ടുണ്ട്.
തിങ്കളാഴ്ച വൈകിട്ടാണ് സംഭവം. അശ്രദ്ധമായി വാഹനം ഓടിച്ചതോടെ സംശയം തോന്നിയ യാത്രക്കാര് പോലീസിനെ വിവരം അറിയിക്കുകയായിരുന്നു. തുടര്ന്ന് പോലീസെത്തി നടത്തിയ പരിശോധനയിലാണ് ഡ്രൈവര് രമേശന് മദ്യപിച്ചതായി കണ്ടെത്തി കസ്റ്റഡിയില് എടുത്തത്. ഏഞ്ചല് ബസിനെ കുറിച്ച് ഇതിനുമുമ്പും പരാതി ലഭിച്ചിട്ടുണ്ട്.
