തിരുവനന്തപുരം: ബിഎംഎസിന്റെ സംസ്ഥാനതല എല്20 വനിതാ തൊഴിലാളി സംഗമം തിങ്കളാഴ്ച തലസ്ഥാനത്ത്. രാവിലെ 10ന് കവടിയാര് ഉദയ്പാലസ് കണ്വന്ഷന് സെന്ററില് കേന്ദ്ര വനിതാ ശിശുവികസന മന്ത്രി സ്മൃതി ഇറാനി ഉദ്ഘാടനം ചെയ്യും.
വിദേശകാര്യ സഹമന്ത്രി വി. മുരളീധരന് മുഖ്യപ്രഭാഷണം നടത്തും. മുഖ്യാതിഥിയായി ബിഎംഎസ് അഖിലേന്ത്യ സംഘടനാ സെക്രട്ടറി ബി. സുരേന്ദ്ര, അഖിലേന്ത്യ സെക്രട്ടറിമാരായ കുമാരി അഞ്ജലി പട്ടേല്, വി. രാധാകൃഷ്ണന് തുടങ്ങിയവര് പങ്കെടുക്കും.
ഇത്തവണത്തെ ലേബര്20യുടെ അധ്യക്ഷ പദവി ബിഎംഎസിനാണ്. ബിഎംഎസ് ദേശീയ അധ്യക്ഷന് ഹിരണ്മയ പാണ്ഡ്യ എല് 20യുടെ ചെയര്മാനായി ആദ്യ യോഗം 2023 മാര്ച്ചില് അമൃത്സറില് നടന്നിരുന്നു. കേരളത്തില് 200 സെമിനാറുകള്. തുടക്കമെന്ന നിലയില് മൂവായിരത്തിലധികം സ്ത്രീ തൊഴിലാളികള് പങ്കെടുക്കുന്ന വനിതാ കണ്വന്ഷനാണ് നാളെ തിരുവനന്തപുരത്ത് നടക്കുന്നത്.
