പാരീസ്: ഇടുപ്പിനേറ്റ പരിക്ക് ഭേദമാകാത്തതിനെ തുടര്‍ന്ന് റാഫേല്‍ നദാല്‍ ഫ്രഞ്ച് ഓപ്പണില്‍ നിന്ന് പിന്മാറി. ജനുവരി മുതല്‍ താരം പരിക്കിന്റെ പിടിയിലാണ്.
ഫ്രഞ്ച് ഓപ്പണില്‍ 14 കിരീടങ്ങളുടെ റെക്കോര്‍ഡ് നേട്ടത്തിന് ഉടമയാണ് നദാല്‍. 2005ലാണ് സ്‌പെയിന്‍ താരം നദാല്‍ ടൂര്‍ണമെന്റില്‍ അരങ്ങേറ്റം കുറിച്ചത്. ഇതിന് ശേഷം ആദ്യമായാണ് ടൂര്‍ണമെന്റ് നഷ്ടമാകുന്നത്.
അടുത്ത വര്‍ഷം തന്റെ കരിയറിലെ അവസാന സീസണായിരിക്കുമെന്ന് പ്രതീക്ഷിക്കുന്നതായി സ്‌പെയിനിലെ മനാക്കോറില്‍ മാധ്യമപ്രവര്‍ത്തകരോട് സംസാരിക്കവെ നദാല്‍ പറഞ്ഞു. ടെന്നീസിലേക്കുള്ള തന്റെ തിരിച്ചുവരവിന് ഒരു തീയതി നിശ്ചയിക്കാന്‍ ആഗ്രഹിക്കുന്നില്ലെന്നും എന്നാല്‍ മാസങ്ങള്‍ എടുക്കുമെന്ന് പ്രതീക്ഷിക്കുന്നതായും താരം വ്യക്തമാക്കി.
ഈ മാസം 28 ന് പാരീസിലെ റോളണ്ട് ഗാരോസില്‍ ഫ്രഞ്ച് ഓപ്പണ്‍ ആരംഭിക്കും.
പ്രതികരിക്കാൻ ഇവിടെ എഴുതുക: