മലമ്പുഴയില്‍ യുവാവും പതിനാലുകാരിയും തൂങ്ങി മരിച്ച നിലയില്‍; ബന്ധുക്കളായ ഇരുവരെയും ഞായറാഴ്ച മുതല്‍ കാണാതായിരുന്നു

പാലക്കാട്: മലമ്പുഴ പടലിക്കാട് യുവാവിനെയും പെണ്‍കുട്ടിയെയും തൂങ്ങി മരിച്ച നിലയില്‍ കണ്ടെത്തി. രഞ്ജിത്ത്(24), ധരണി(14) എന്നിവരാണ് മരിച്ചത്. പടലിക്കാട് ഇറിഗേഷന്‍ കനാലിനോട് ചേര്‍ന്നുള്ള മരത്തിലാണ് മൃതദേഹങ്ങള്‍ കണ്ടെത്തിയത്.  

ബന്ധുക്കളായ ഇരുവരെയും കഴിഞ്ഞ ഞായറാഴ്ച മുതല്‍ കാണാതായിരുന്നു. കുടുംബാംഗങ്ങളുടെ പരാതിയില്‍ പോലീസ് അന്വേഷണം നടക്കുന്നതിനിടെയാണ് ഇവരെ മരിച്ച നിലയില്‍ കണ്ടെത്തിയത്.  ഇരുവരും തമ്മില്‍ സൗഹൃദത്തിലായിരുന്നെന്നാണ് വിവരം.