ലക്നൗ: ഐപിഎല് ക്രിക്കറ്റില് ഇന്ന് ലക്നൗ സൂപ്പര് ജയന്റ്സും മുംബൈ ഇന്ത്യന്സും ഏറ്റുമുട്ടും.വൈകിട്ട് 7:30ന് ലക്നൗവിലെ ഭാരതരത്ന ശ്രീ അടല് ബിഹാരി വാജ്പേയി ഏകാന ക്രിക്കറ്റ് സ്റ്റേഡിയത്തിലാണ് മത്സരം.
കഴിഞ്ഞ രാത്രി അഹമ്മദാബാദിലെ നരേന്ദ്ര മോദി സ്റ്റേഡിയത്തില് ഗുജറാത്ത് ടൈറ്റന്സ്, സണ്റൈസേഴ്സ് ഹൈദരാബാദിനെ 34 റണ്സിന് പരാജയപ്പെടുത്തി. ആദ്യം ബാറ്റ് ചെയ്ത ഗുജറാത്ത് ടൈറ്റന്സ് നിശ്ചിത 20 ഓവറില് 9 വിക്കറ്റ് നഷ്ടത്തില് 188 റണ്സ് എടുത്തു.
സണ്റൈസേഴ്സ് ഹൈദരാബാദിനായി ഭുവനേശ്വര് കുമാര് 5 വിക്കറ്റ് വീഴ്ത്തി. 189 റണ്സ് വിജയലക്ഷ്യം പിന്തുടര്ന്ന സണ്റൈസേഴ്സ് ഹൈദരാബാദിന് 20 ഓവറില് ഒമ്പത് വിക്കറ്റ് നഷ്ടത്തില് 154 റണ്സെടുക്കാനേ കഴിഞ്ഞുള്ളൂ. 64 റണ്സെടുത്ത ഹെന്റിച്ച് ക്ലാസന് ആണ് സണ്റൈസേഴ്സിന്റെ ടോപ് സ്കോറര്. നേരത്തെ ടോസ് നേടിയ സണ്റൈസേഴ്സ് ഹൈദരാബാദ് ഫീല്ഡിംഗ് തിരഞ്ഞെടുക്കുകയായിരുന്നു. ഗുജറാത്ത് ടൈറ്റന്സിന് വേണ്ടി മുഹമ്മദ് ഷമിയും മോഹിത് ശര്മ്മയും നാല് വിക്കറ്റ് വീതം വീഴ്ത്തി. സുബ്മാന് ഗില്ലാണ് കളിയിലെ താരം.
