തിരുവനന്തപുരം: അസ്മിയയ്‌ക്ക് നീതി ആവശ്യപ്പെട്ടുള്ള പോസ്റ്റര്‍ വ്യാജമാണെന്നും വിഷയത്തില്‍ പോലീസ് മേധാവിക്ക് പരാതി നല്‍കുകയും ചെയ്തതിനു പിന്നാലെ വിഷയത്തില്‍ പ്രതികരണവുമായി ഡിവൈഎഫ്‌ഐ.
തിരുവനന്തപുരം ബാലരാമപുരത്തെ അല്‍അമീന്‍ എന്ന മതവിദ്യാഭ്യാസ സ്ഥാപനത്തിലെ വിദ്യാര്‍ത്ഥിനി അസ്മിയ മോള്‍ (17) സ്ഥാപനത്തിലെ ലൈബ്രറിയില്‍ തൂങ്ങി മരിച്ച സംഭവം ഞെട്ടലുളവാക്കുന്നതാണെന്ന് ഡിവൈഎഫ്‌ഐ ഫേസ്ബുക്കില്‍ വ്യക്തമാക്കി. സംഭവത്തെ സംബന്ധിച്ച് കുടുംബം ഉന്നയിച്ച ആരോപണങ്ങളില്‍ പോലീസ് സമഗ്ര അന്വേഷണം നടത്തണം. നിജസ്ഥിതി പുറത്തുകൊണ്ടുവരണം. കുട്ടികള്‍ താമസിച്ചു പഠിക്കുന്ന സ്ഥാപനങ്ങളില്‍ കൂടുതല്‍ സുരക്ഷ ഉറപ്പുവരുത്താന്‍ അധികൃതര്‍ നടപടി സ്വീകരിക്കണമെന്നും പോസ്റ്റില്‍ വ്യക്തമാക്കുന്നു. ഡിവൈഎഫ്‌ഐയുടെ നിലപാടില്‍ സോഷ്യല്‍ മീഡിയയില്‍ വലിയ പരിഹാസം ഉയര്‍ന്നതിനു പിന്നാലെയാണ് മറ്റൊരു പ്രതികരണവുമായി ഡിവൈഎഫ്‌ഐ രംഗത്തെത്തിയത്.
പ്രതികരിക്കാൻ ഇവിടെ എഴുതുക: