ന്യൂഡല്ഹി: ലോക പരിസ്ഥിതി ദിനമായ ജൂണ് അഞ്ചിനു മുന്നോടിയായി കാലാവസ്ഥാ വ്യതിയാനത്തിനായുള്ള യുവജന പ്രവര്ത്തനത്തെ ഉത്തേജിപ്പിക്കുന്നതിനായി കേന്ദ്ര പരിസ്ഥിതി, വനം, കാലാവസ്ഥാ വ്യതിയാന മന്ത്രി ഭൂപേന്ദര് യാദവ് ‘മേരി ലൈഫ്’ (എന്റെ ജീവിതം) എന്ന മൊബൈല് ആപ്ലിക്കേഷന് പുറത്തിറക്കി. സിഒപി- 26ല് പ്രധാനമന്ത്രി വിഭാവനം ചെയ്ത ലൈഫ് എന്ന ആശയത്തില് നിന്ന് പ്രചോദനം ഉള്ക്കൊണ്ടതാണ് ഈ ആപ്പ്.
മിഷന് ലൈഫില് നടക്കുന്ന പുരോഗതി ട്രാക്ക് ചെയ്യുന്നതിനുള്ള ഒരു ഘടനാപരമായ മാര്ഗം സൃഷ്ടിക്കാന് മേരി ലൈഫ് ആപ്പ് സഹായിക്കും. സൈന്അപ്പ് ചെയ്തതിനു ശേഷം, ഊര്ജ്ജം സംരക്ഷിക്കുക, ജലം സംരക്ഷിക്കുക, ഒറ്റത്തവണ ഉപയോഗിക്കുന്ന പ്ലാസ്റ്റിക്ക് കുറയ്ക്കുക, സുസ്ഥിര ഭക്ഷണ സംവിധാനങ്ങള് സ്വീകരിക്കുക, ആരോഗ്യകരമായ ജീവിതശൈലി സ്വീകരിക്കുക എന്നിങ്ങനെ അഞ്ചു പ്രമേയങ്ങള്ക്ക് കീഴില് ലൈഫ് അനുബന്ധ ജോലികളുടെ ഒരു പരമ്പരയില് പങ്കെടുക്കാന് ആപ്പ് ഉപയോക്താക്കളെ നയിക്കും.
ഒരു ഗെയിം രൂപത്തിലുള്ള അനുഭവത്തിലൂടെ, അതായത് ജൂണ് 5ന് വേണ്ടി അഞ്ച് ചലഞ്ച് അഞ്ച് ലൈഫ് പ്രവര്ത്തനങ്ങള് ഏറ്റെടുക്കാന് ആപ്പ് ആളുകളെ പ്രേരിപ്പിക്കുന്നു. ആപ്പ് ഗൂഗിള് പ്ലേ സ്റ്റോറില് ലഭ്യമാണ്. ലൈഫിനെക്കുറിച്ച് അവബോധം സൃഷ്ടിക്കുന്നതിനായി, നിലവില് ഒരു മാസം നീണ്ടുനില്ക്കുന്ന ബഹുജന സമാഹരണ യജ്ഞം നടക്കുന്നുണ്ട്. 2023 ജൂണ് 5ന് ലോക പരിസ്ഥിതി ദിനത്തിന്റെ മെഗാ ആഘോഷത്തോടെ ഇത് സമാപിക്കും.
ശുചിത്വ യജ്ഞങ്ങള്, സൈക്കിള് റാലികള്, നടീല് യജ്ഞങ്ങള്, ലൈഫ് മാരത്തണുകള്, പ്ലാസ്റ്റിക് ശേഖരണ യജ്ഞങ്ങള്, കമ്പോസ്റ്റിംഗ് വര്ക്ക്ഷോപ്പുകള് എന്നിവയുള്പ്പെടെ ഭൂമിക്കായുള്ള അനുകൂല പ്രവര്ത്തനങ്ങള്ക്കായി 1.7 ദശലക്ഷത്തിലധികം വ്യക്തികളെ അണിനിരത്തി, 10 ദിവസത്തിനുള്ളില്, ഇന്ത്യയിലുടനീളം 1,00,000 ലൈഫുമായി ബന്ധപ്പെട്ട പരിപാടികള് നടന്നു.
2023ലെ ലോക പരിസ്ഥിതി ദിനത്തോടനുബന്ധിച്ച് ജൂണ് 5ന് ബഹുജന സമാഹരണ കാമ്പയിന് സമാപിക്കും. ‘ഒറ്റത്തവണ മാത്രം ഉപയോഗിക്കാവുന്ന പ്ലാസ്റ്റിക് വസ്തുക്കളുടെ ഉപയോഗം കുറയ്ക്കല്’ എന്ന മിഷന് ലൈഫിന്റെ 7 പ്രമേയങ്ങളില് ഒന്നുമായി യോജിപ്പിക്കുന്നതാണ് ഈ വിഷയം: പ്ലാസ്റ്റിക് മലിനീകരണത്തിനുള്ള പരിഹാരങ്ങള് എന്നതാണ് ഈ വര്ഷത്തെ പ്രമേയം.
