തിരുവനന്തപുരം: കാസര്‍കോട് നിന്നും തിരുവനന്തപുരത്തേക്കുള്ള ടിക്കറ്റാണ് വന്ദേഭാരതിന് ഏറ്റവും കൂടുതല്‍ വരുമാനം നേടിക്കൊടുക്കുന്നത്. ഈ ട്രിപ്പിനാണ് കൂടുതല്‍ ആളുകള്‍ ടിക്കറ്റ് ബുക്ക് ചെയ്തിരിക്കുന്നത്.
കാസര്‍കോട്-തിരുവനന്തപുരം അതല്ലെങ്കില്‍ തിരുവനന്തപുരം-കാസര്‍കോട് ടിക്കറ്റില്‍ നിന്ന് മാത്രം ഏപ്രില്‍ 28 മുതല്‍ മെയ് മൂന്ന് വരെയുള്ള ആദ്യത്തെ ആറ് ദിവസത്തെ വരുമാനത്തില്‍ നിന്നും ലഭിച്ചത് 1.17 കോടി രൂപയാണ്.
ആറ് ദിവസത്തെ യാത്രയില്‍ വന്ദേഭാരത് ആകെ നേടിയത് 2.7 കോടി രൂപയാണ്. ഈ ആറു ദിവസത്തെ യാത്രയില്‍ 27000 പേരാണ് യാത്ര ചെയ്തത്. മെയ് 14 വരെ വന്ദേഭാരതിന്റെ സീറ്റ് ബുക്കിംഗ് ഫുള്‍ ആയിരുന്നു.
