മാഡ്രിഡ് : വില്ലറയലിനൊപ്പം ഒരു സീസണ്‍ കൂടി തുടരാന്‍ വെറ്റന്‍ താരം റൗള്‍ ആബിയോള്‍. ഇതിനായുളള കരാറില്‍ താരം ഒപ്പുവച്ചു.2024 ജൂണ്‍ വരെ കാലാവധിയുളള കരാര്‍ താരം ഒപ്പുവച്ചതായി വില്ലറയല്‍ അറിയിച്ചു.
റൗള്‍ ആബിയോളിന് 37 വയസാണുളളത്. വില്ലാറയലിനായി മൊത്തം 155 ഔദ്യോഗിക മത്സരങ്ങളില്‍ കളിച്ചു. 2021 ലെ യുവേഫ യൂറോപ്പ ലീഗ് കിരീട നേടിയ ടീമിന്റെ ഭാഗമായിരുന്നു. കഴിഞ്ഞ സീസണില്‍ വില്ലറയലിനെ ചാമ്പ്യന്‍സ് ലീഗ് സെമി ഫൈനലിലേക്കും താരം നയിച്ചു.
റയല്‍ മാഡ്രിഡ്, എസ്എസ്സി നാപോളി, വലന്‍സിയ സിഎഫ്, ഗെറ്റാഫെ സിഎഫ് എന്നിങ്ങനെ മുന്‍നിര ക്ലബ്ബുകളില്‍ കളിച്ചിട്ടുണ്ട് റൗള്‍ ആബിയോള്‍. യൂറോ കപ്പുകളും ലോകകപ്പും നേടിയ സ്പാനിഷ് ദേശീയ ടീമില്‍ അംഗമായിരുന്നു.
പ്രതികരിക്കാൻ ഇവിടെ എഴുതുക: