ന്യൂദല്‍ഹി: സ്വച്ഛ് ഭാരത് മിഷന്‍ ഗ്രാമീണിന് (എസ്ബിഎംജി) കീഴില്‍ രാജ്യം മറ്റൊരു പ്രധാന നാഴികക്കല്ല് കൂടി കൈവരിച്ചു. രാജ്യത്തെ മൊത്തം ഗ്രാമങ്ങളുടെ പകുതിയും അതായത് 50% ഗ്രാമങ്ങള്‍ ദൗത്യത്തിന്റെ രണ്ടാം ഘട്ടത്തില്‍ ഒഡിഎഫ് പ്ലസ് പദവി കൈവരിച്ചു. ഖരമാലിന്യമോ ദ്രവമാലിന്യമോ കൈകാര്യം ചെയ്യുന്ന സംവിധാനങ്ങള്‍ നടപ്പിലാക്കുന്നതിനൊപ്പം തുറന്ന മലമൂത്ര വിസര്‍ജ്ജന രഹിത (ഒഡിഎഫ്) പദവി നിലനിര്‍ത്തുന്ന ഒന്നാണ് ഒഡിഎഫ് പ്ലസ് ഗ്രാമം.
ഇതുവരെ, 2.96 ലക്ഷത്തിലധികം ഗ്രാമങ്ങള്‍ സ്വയം ഒഡിഎഫ് പ്ലസ് ആയി പ്രഖ്യാപിച്ചിട്ടുണ്ട്. ഇത് 202425 ഓടെ എസ്ബിഎംജി രണ്ടാം ഘട്ട ലക്ഷ്യങ്ങള്‍ കൈവരിക്കുന്നതിനുള്ള സുപ്രധാന ചുവടുവയ്‌പ്പാണ്. ഒഡിഎഫ് പ്ലസ് ഗ്രാമങ്ങളുടെ ശതമാനത്തില്‍ മികച്ച പ്രകടനം കാഴ്ചവെക്കുന്ന സംസ്ഥാനങ്ങള്‍ വലിയ സംസ്ഥാനങ്ങളില്‍ തെലങ്കാന (100%), കര്‍ണാടക (99.5%), തമിഴ്‌നാട് (97.8%), ഉത്തര്‍പ്രദേശ് (95.2%) എന്നിവയും ചെറിയ സംസ്ഥാനങ്ങളില്‍ ഗോവ (95.3%), സിക്കിം (69.2%) എന്നിവയും ആണ് മികച്ച പ്രകടനം കാഴ്ചവെച്ചത്.
കേന്ദ്ര ഭരണ പ്രദേശങ്ങളില്‍ ആന്‍ഡമാന്‍ & നിക്കോബാര്‍ ദ്വീപുകള്‍, ദാദ്ര നാഗര്‍ ഹവേലി, ദാമന്‍ ദിയു, ലക്ഷദ്വീപ് എന്നിവിടങ്ങളില്‍ 100% ഒഡിഎഫ് പ്ലസ് മാതൃകാ ഗ്രാമങ്ങളുണ്ട്. ഈ വര്‍ഷം സ്വച്ഛ് ഭാരത് മിഷന്റെ ഒമ്പത് വര്‍ഷം തികയുന്നു. 50% ഒഡിഎഫ് പ്ലസ് ഗ്രാമങ്ങള്‍ എന്ന നേട്ടം ഇന്ത്യയെ സംബന്ധിച്ചിടത്തോളം ഒരു സുപ്രധാന നാഴികക്കല്ലാണ്. കാരണം ഇത് കേവലം ശൗചാലയങ്ങളുടെ നിര്‍മ്മാണത്തിനും ഉപയോഗത്തിനും അപ്പുറം സമ്പൂര്‍ണ്ണ ശുചിത്വത്തിലേക്ക്, അതായത് ഒഡിഎഫ് നിന്ന് ഒഡിഎഫ് പ്ലസിലേക്ക് നയിക്കുന്നു.
പ്രതികരിക്കാൻ ഇവിടെ എഴുതുക: