മ്യൂണിക്: നൈജീരിയന്‍ മുന്നേറ്റ നിര കളിക്കാരനായ വിക്ടര്‍ ഒസിമെനായി നാപോളി ആവശ്യപ്പെടുന്ന തുക നല്‍കാനാകില്ലെന്ന് ബയേണ്‍ മ്യൂണിക് സി ഇ ഒ ഒളിവര്‍ കാന്‍. നാപോളി വിക്ടര്‍ ഒസിമെനെ വിട്ടു നല്‍കാന്‍ ആവശ്യപ്പെടുന്നത് 150 ദശലക്ഷം യൂറോ ആണ്.
ഇത്രയും വലിയ തുക മുടക്കിയാല്‍ എന്ത് ഗ്യാരന്റി ആണ് താരങ്ങള്‍ നല്‍കുന്നത് എന്ന് ഒളിവെര്‍ കാന്‍ ചോദിച്ചു.നൈജീരിയന്‍ ദേശീയ ടീമിലും നാപോളിക്ക് വേണ്ടിയും മികച്ച പ്രകടനം നടത്തിയിട്ടുണ്ട് വിക്ടര്‍ ഒസിമെന്‍.
ഒസിമെനെ ടീമിലെത്തിക്കാന്‍ ബയേണ്‍ മ്യൂണിക് ശ്രമിച്ചിരുന്നു. എന്നാല്‍ വലിയ തുക ആയതു കൊണ്ട് ചര്‍ച്ചകള്‍ നടന്നില്ല.
ക്ലബ് മാറ്റത്തിനുളള തുക അഭൂതപൂര്‍വമായ ഉയരത്തില്‍ എത്തുന്നത് അപകടമാണെന്ന് ഒളിവര്‍ കാന്‍ പ്രതികരിച്ചു. നേരത്തെ നോര്‍വേ താരം എര്‍ലിംഗ് ഹാളണ്ടിനെ സ്വന്തമാക്കാന്‍ ബയേണ്‍ ശ്രമിച്ചിരുന്നെങ്കിലും വലിയ തുക നല്‍കേണ്ടതിനാല്‍ പിന്‍മാറുകയായിരുന്നു.
പ്രതികരിക്കാൻ ഇവിടെ എഴുതുക: