രാമായണവും ശ്രീരാമനും ഒക്കെ നിറയുന്ന സിനിമയാണ് ആദി പുരുഷ്. പ്രഭാസാണ് നായകന്. ഈ ബിഗ് ബജറ്റ് ചിത്രത്തിന്റെ ട്രെയ് ലര് പങ്കുവെച്ച് നടന് ഉണ്ണി മുകുന്ദന് ഫേസ്ബുക്കില് കുറിച്ചു: ജയ് ശ്രീറാം.
ജയ് ശ്രീറാം എന്ന കുറിപ്പിനൊപ്പമാണ് ട്രെയിലർ ഫേസ്ബുക്കിൽ പോസ്റ്റ് ചെയ്തിരിക്കുന്നത് . ചിത്രം, വിസ്മയിപ്പിക്കുന്നതാണെന്നും ഉണ്ണി മുകുന്ദൻ പറയുന്നു.
തിന്മയ്ക്ക് മുകളിൽ നന്മയുടെ വിജയം എന്നാണ് ചിത്രത്തിന്റെ ടാഗ്ലൈൻ. രാമ-രാവണ യുദ്ധം പശ്ചാത്തലമാക്കിയാണ് ചിത്രമെത്തുന്നത്. ഓം റൗട്ടാണ് ആദിപുരുഷ് ചിത്രത്തിന്റെ സംവിധായകൻ. പ്രഭാസിന് പുറമെ കൃതി സാനന്, സെയ്ഫ് അലിഖാന് എന്നിവര് പ്രധാനറോളുകളില് അഭിനയിക്കുന്നു.
ടീസര് പുറത്തിറങ്ങിയപ്പോഴുണ്ടായ വിഎഫ് എക്സിലെ പോരായ്മകള് തിരുത്തിയുള്ളതാണ് ട്രെയ് ലര്. ഔദ്യോഗിക റിലീസിന് മുന്പ് ട്രെയ് ലര് ലീക്കായത് വലിയ തലവേദനയായിരുന്നു. ടി സീരിസാണ് ചിത്രത്തിന്റെ നിർമാണം.വിഎഫ്എക്സിന് ഏറെ പ്രാധാന്യമുള്ള സിനിമയുടെ ബജറ്റ് 500 കോടിയാണ്,3ഡിയിലാണ് ചിത്രം ഒരുങ്ങുന്നത്. തെലുങ്ക്, ഹിന്ദി, മലയാളം.കന്നഡ, തമിഴ് എന്നീ ഭാഷകളിലും ചിത്രമെത്തും.
