കൊച്ചി: സ്വവര്‍ഗ വിവാഹത്തെ എതിര്‍ക്കുന്ന കേന്ദ്ര നിലപാടിനെ പിന്തുണച്ചും അഭിനന്ദിച്ചും സിറോ മലബാ
ര്‍ സഭ രാഷട്രപതിക്കു സത്യവാങ്മൂലം നല്കി. സ്വവര്‍ഗ വിവാഹം നിയമവിധേയമാക്കണമെന്ന ഹര്‍ജിയില്‍ സുപ്രീംകോടതി കേന്ദ്ര സര്‍ക്കാരിന്റെ നിലപാട് അറിയിക്കാന്‍ ആവശ്യപ്പെട്ട പശ്ചാത്തലത്തില്‍ കേന്ദ്ര സര്‍ക്കാര്‍ പൊതുസമൂഹത്തിന്റെ പ്രതികരണങ്ങള്‍ ആരാഞ്ഞിരുന്നു. ഈ സാഹചര്യത്തിലാണ് സിറോ മലബാര്‍ പബ്ലിക് അഫയേഴ്‌സ് കമ്മീഷന്‍, സഭയുടെ പ്രതികരണം രാഷ്‌ട്രപതിയെ ഔദ്യോഗികമായി അറിയിച്ചത്.
ഭാരതീയ സംസ്‌കാരത്തില്‍ വിവാഹം എതിര്‍ലിംഗത്തിലുള്ള രണ്ടു വ്യക്തികള്‍ തമ്മിലുള്ള ബന്ധമാണെന്നും കുടുംബമെന്നത് ജൈവശാസ്ത്രപരമായി പുരുഷനും സ്ത്രീയും അവര്‍ക്കു ജനിക്കുന്ന കുട്ടികളും ഉള്‍ക്കൊള്ളുന്നതാണെന്നുമുള്ള സത്യവാങ്മൂലം സുപ്രീംകോടതിയില്‍ നല്കിയ കേന്ദ്ര സര്‍ക്കാര്‍ നിലപാടിനെ സഭ ശ്ലാഘിച്ചു. സഭ ഇതേ ധാര്‍മിക കാഴ്ചപ്പാടുതന്നെ പുലര്‍ത്തുകയും സ്വവര്‍ഗവിവാഹത്തിന് നിയമപരിരക്ഷ നല്കാനുള്ള ഉദ്യമങ്ങളെ എതിര്‍ക്കുകയും ചെയ്യുന്നു. കാരണം സ്വവര്‍ഗവവാഹങ്ങള്‍ കുട്ടികള്‍ക്ക് ദാമ്പത്യബന്ധത്തിനുള്ളില്‍ ജനിക്കാനും വളരാനുമുള്ള അവകാശത്തിന്റെ ലംഘനമാണ്. സ്ത്രീയും പുരുഷനുമായി രൂപീകരിക്കപ്പെട്ട മനുഷ്യപ്രകൃതിയോടുള്ള നിഷേധമാണ്. കുടുംബ സംവിധാനത്തോടും സമൂഹത്തോടും ചെയ്യുന്ന അനീതിയാണ്. സ്വവര്‍ഗവിവാഹം നിയമവിധേയമാക്കുന്നത് കുട്ടികളോടുള്ള ആകര്‍ഷണം, മൃഗങ്ങളോടുള്ള ആകര്‍ഷണം, രക്തബന്ധുക്കള്‍ തമ്മിലുള്ള ആകര്‍ഷണം എന്നിങ്ങനെയുള്ള ലൈംഗിക അപഭ്രംശങ്ങള്‍ നിയമവിധേയമാക്കാനുള്ള മുറവിളികള്‍ ഉയരുന്നതിന് കാരണമാകാം.അതിനാല്‍ അത് അനുവദിക്കാന്‍ പാടില്ല.
എന്നാല്‍ ലൈംഗികതലത്തില്‍ മാനസികവും ശാരീരികവുമായവ്യതിയാനങ്ങളുള്ളവരെ സഭ കരുണയോടെ കാണുന്നു. അവര്‍ക്കെതിരായ വിവേചനങ്ങളെ എതിര്‍ക്കുന്നു. അതേസമയം, വിവാഹംഒരു സ്ത്രീയും ഒരു പുരുഷനും തമ്മിലുള്ള ബന്ധമാണ് എന്ന നിലപാട് സഭ അസന്നിഗ്‌ദ്ധമായി പ്രഖ്യാപിക്കുന്നു, സിറോ മലബാര്‍ സഭ സത്യവാങ്മൂലത്തില്‍ പറയുന്നു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: