ചെന്നൈ: എം.എസ്. ധോണി നയിക്കുന്ന ചെന്നൈ സൂപ്പര്‍ കിംങ്സ് ഏഷ്യയിലെ ഏറ്റവും മികച്ച ജനപ്രിയ കായിക ടീം. പോര്‍ചുഗീസ് സൂപ്പര്‍താരം ക്രിസ്റ്റ്യാനോ റൊണാള്‍ഡോ നായകനായ സൗദി ക്ലബ് അല്‍ നസ്റിനെ പിന്തള്ളിയാണ് സൂപ്പര്‍ കിംങ്സ് ഒന്നാമതെത്തിയത്.
ധോണിയോടുള്ള ആരാധകരുടെ ഇഷ്ടം തന്നെയാണ് അദ്ദേഹത്തിന്റെ ഫ്രാഞ്ചൈസിയിലേക്കും എത്തിയിരിക്കുന്നത്. ഐ.പി.എല്‍ 2023 സീസണ്‍ രണ്ടാം ഘട്ടത്തിലേക്ക് കടക്കുമ്പോള്‍, മികച്ച പ്രകടനം നടത്തുന്ന ടീമുകളിലൊന്നാണ് ചെന്നൈ സൂപ്പര്‍ കിങ്സ്.
2023 മാര്‍ച്ചിലെ ട്വിറ്റര്‍ ഇന്ററാക്ഷന്റെ അടിസ്ഥാനത്തിലാണ് സോഷ്യല്‍ മീഡിയ അനലിറ്റിക്സ് സ്ഥാപനമായ ഡിപോര്‍ട്ടെസ് ആന്‍ഡ് ഫിനാന്‍സാസ് മാര്‍ച്ച് മാസത്തിലെ ഏഷ്യയിലെ മികച്ച ജനപ്രിയ ടീമിനെ തെരഞ്ഞെടുത്തത്. 51.2 കോടി ഇന്ററാക്ഷന്‍സുമായാണ് ചെന്നൈ സൂപ്പര്‍ കിങ്സ് ഒന്നാം സ്ഥാനത്തെത്തിയത്. 50കോടി ഇന്ററാക്ഷന്‍സുമായി അല്‍നസ്ര്! എഫ്.സിക്ക് രണ്ടാമതാണ്. വിരാട് കോഹ്ലിയുടെ റോയല്‍ ചലഞ്ചേഴ്സ് ബാംഗ്ലൂരും രോഹിത് ശര്‍മയുടെ മുംബൈ ഇന്ത്യന്‍സും ആണ് പട്ടികയിലെ മൂന്നും നാലും സ്ഥാനങ്ങളില്‍.
34.5 കോടിയും 27.4 കോടിയുമാണ് ട്വിറ്ററിലെ ഈ ടീമുകളുടെ ഇന്ററാക്ഷന്‍സ്. സൗദി ക്ലബായ അല്‍ ഹിലാലാണ് അഞ്ചാമതുള്ളത്. ധോണിയോടുള്ള ആരാധകരുടെ ഇഷ്ടം തന്നെയാണ്.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: