മുംബയ് : രാജസ്ഥാന്‍ റോയല്‍സ് നായകന്‍ സഞ്ജു സാംസണെ പ്രശംസിച്ച് ഇന്ത്യയുടെ മുന്‍ പരിശീലകന്‍ രവിശാസ്ത്രി. എം എസ് ധോണിയെ പോലെ ഉളള ഗുണങ്ങള്‍ സഞ്ജുവിനുണ്ടെന്ന് ധോണി അഭിപ്രായപ്പെട്ടു.
കൂടുതല്‍ പരിചയസമ്പത്തുണ്ടാകുമ്പോള്‍ കൂടുതല്‍ ശോഭിക്കാനാകും സഞ്ജുവിനെന്ന് രവി ശാസ്ത്രി ചൂണ്ടിക്കാട്ടി. സഞ്ജു വളരെ ശാന്തനാണ്. മുഖത്ത് വികാരങ്ങള്‍ ഇല്ലെങ്കിലും സഹകളിക്കാരുമായി ആശയവിനിമയം നന്നായി നടത്താന്‍ കഴിയുന്നുണ്ട്.
സഞ്ജുവില്‍ നേതൃഗുണങ്ങളുണ്ട്. ഐ പി എല്ലിലെ അവസാന രണ്ട് മത്സരങ്ങളില്‍ സഞ്ജു സന്തോഷവാനായിരുന്നില്ല എന്ന് മനസിലാക്കാനാകും. ജയിക്കാന്‍ കഴിയുമായിരുന്ന മത്സരങ്ങള്‍ പരാജയപ്പെട്ടതില്‍ സഞ്ജുവിന് ഇച്ഛാഭംഗമുണ്ടെന്ന് വ്യക്തമാണെന്ന് ശാസ്ത്രി ചൂണ്ടിക്കാട്ടി.
പ്രതികരിക്കാൻ ഇവിടെ എഴുതുക: