ബൈഷെക്: എ എഫ് സി അണ്ടര്‍ 17 വനിതകളുടെ ഏഷ്യന്‍ കപ്പ് യോഗ്യത റൗണ്ടിലെ ആദ്യ മത്സരത്തില്‍ ഇന്ത്യന്‍ ടീമിന് ജയം. ആതിഥേയരായ കിര്‍ഗിസ് റിബ്ലിക്കിനെ മറുപടിയില്ലാത്ത ഒരു ഗോളിനാണ് പരാജയപ്പെടുത്തിയത്.
സിബാനി ദേവിയാണ് 77ാം മിനിട്ടില്‍ ഇന്ത്യയുടെ വിജയഗോള്‍ നേടിയത്.വിക്ഷിത് ബാര ഇടത് വശത്ത് നിന്ന് നല്‍കിയ താഴ്ന്ന ക്രോസ് കിര്‍ഗിസ് ഗോള്‍കീപ്പര്‍ ഡുഡോച്ച്കിനയുടെ കയ്യില്‍ നിന്നും വഴുതി വീണപ്പോള്‍ ഓടിയെത്തിയ സിബാനി ദേവി ഗോള്‍ വലയിലേക്ക് തട്ടിയിടുകയായിരുന്നു.
നേരത്തേ മ്യാന്‍മാറും കിര്‍ഗിസ് റിപബ്ലിക്കിനെതിരെ 1-0ത്തിന് വിജയം നേടിയിരുന്നു. ഇതോടെ നാളത്തെ ഇന്ത്യ -മ്യാന്‍മാര്‍ മത്സരം ഗ്രൂപ്പ ജേതാക്കളെ നിശ്ചയിക്കും. വിജയികള്‍ക്ക് മുന്നോട്ട് പോകാം. മത്സരം സമനിലയിലായാല്‍ ഷൂട്ടൗട്ടിലൂടെ വിജയികളെ കണ്ടെത്തും.
പ്രതികരിക്കാൻ ഇവിടെ എഴുതുക: