തിരുവനന്തപുരം : പ്രധാനമന്ത്രിക്കൊപ്പം വേദി പങ്കിടാനായത് അഭിമാന നിമിഷമെന്ന് നടി നവ്യാ നായര്‍. കൊച്ചിയില്‍ യുവം 2023 പരിപാടിയില്‍ പ്രധാനമന്ത്രിക്കൊപ്പം പങ്കെടുത്തതിന്റെ ചിത്രങ്ങളും സമൂഹമാധ്യമങ്ങളില്‍ നവ്യാ നായര്‍ പങ്കുവെച്ചിട്ടുണ്ട്.
ബഹുമാനപ്പെട്ട പ്രധാനമന്ത്രി നരേന്ദ്രമോദിക്കൊപ്പം വേദിയില്‍, അഭിമാന നിമിഷം എന്നായിരുന്നു നവ്യാ നായരുടെ പോസ്റ്റ്. യുവം 2023 ഹാഷ്ടാഗും നല്‍കിക്കൊണ്ടാണ് നവ്യാ നായര്‍ ചിത്രം പങ്കുവെച്ചിരിക്കുന്നത്.
യുവം പരിപാടിയില്‍ പങ്കെടുത്തതിന് പിന്നാലെ നവ്യാ നായര്‍ക്കു നേരെ സൈബര്‍ ആക്രമണം ഉണ്ടായിരുന്നു. ഇത് വിമര്‍ശകര്‍ക്കുള്ള മറുപടിയാണെന്നാണ് നവ്യയുടെ ആരാധകര്‍ പറയുന്നത്. യുവം പരിപാടിയില്‍ നവ്യാ നായര്‍ക്കൊപ്പം നടന്‍ ഉണ്ണി മുകുന്ദനും, നടി അപര്‍ണ ബാലമുരളിയും പങ്കെടുത്തിരുന്നു.
പ്രതികരിക്കാൻ ഇവിടെ എഴുതുക: