സൗബിന് ഷാഹിര്, ബിനു പപ്പു, നസ്ലിന് എന്നിവരെ പ്രധാന കഥാപാത്രങ്ങളാക്കി നവാഗതനായ ഇര്ഷാദ് പരാരി രചനയും സംവിധാനവും നിര്വഹിക്കുന്ന ‘അയല്വാശി’ ഏപ്രില് ഇരുപത്തൊന്നിന് സെന്ട്രല് പിക്ചേഴ്സ് റിലീസ് പ്രദര്ശനത്തിനെത്തിക്കുന്നു. ‘തല്ലുമാല’യുടെ വന് വിജയത്തിനുശേഷം ആഷിഖ് ഉസ്മാന് പ്രൊഡക്ഷന്സിന്റെ ബാനറില് ആഷിഖ് ഉസ്മാന് നിര്മിക്കുന്ന ഈ ചിത്രത്തില് നിഖില വിമല് നായികയാവുന്നു.
സൗബിനും നിഖില വിമലും ആദ്യമായി ഒന്നിക്കുന്ന ചിത്രം കൂടിയാണ് ‘അയല്വാശി’. ജഗദീഷ്, ഗോകുലന്, നിഖില വിമല്, ലിജോ മോള് ജോസ്, അജ്മല് ഖാന്, സ്വാതി ദാസ്, അഖില ഭാര്ഗവന് തുടങ്ങിയവരാണ് മറ്റു പ്രമുഖ താരങ്ങള്. തല്ലുമാലയുടെ തിരക്കഥാകൃത്തുക്കളിലൊരാളും ഇര്ഷാദിന്റെ സഹോദരനുമായ മുഹസിന് പരാരി ഈ ചിത്രത്തിന്റെ നിര്മ്മാണ പങ്കാളിയാണ്. പൃഥ്വിരാജിന്റെ സഹസംവിധായകനായി ലൂസിഫറില് ഇര്ഷാദ് പരാരി പ്രവര്ത്തിച്ചിട്ടുണ്ട്.
