തൊടുപുഴ: വൃദ്ധയായ അമ്മയെ പൂട്ടിയിട്ട് ഭിന്നശേഷിക്കാരിയായ മകളെ പീഡിപ്പിച്ചു. തൊടുപുഴ കരിങ്കുന്നത്താണ് നടുക്കുന്ന സംഭവമുണ്ടായത്. വീട്ടില് അറ്റകുറ്റപ്പണിക്ക് വന്നയാളാണ് അതിക്രമം നടത്തിയത്. സംഭവത്തില് കരിങ്കുന്നം സ്വദേശി വാഴമലയില് വീട്ടില് മനുവിനെ (45) പോലീസ് അറസ്റ്റ് ചെയ്തു.
പീഡനത്തെ തുടര്ന്ന് അവശയായ നാല്പ്പത്താറുകാരിയെ അമ്മ തന്നെയാണ് ആശുപത്രിയില് എത്തിച്ചത്. ഈ മാസം നാലിനാണ് സംഭവമുണ്ടായത്. വീട്ടില് ജോലിക്ക് വന്ന ഇയാള് മുറിയിൽ കിടക്കുകയായിരുന്ന 76-കാരിയെ പൂട്ടിയിട്ട ശേഷം ഇവരുടെ മകളായ നാല്പ്പത്തിയാറുകാരിയായ ഭിന്നശേഷിക്കാരിയെയാണ് ബലാത്സംഗം ചെയ്തത്. മാതാവ് ഡിവൈഎസ്പിക്ക് നല്കിയ പരാതിയെ തുടര്ന്ന് നടത്തിയ അന്വേഷണത്തിലാണ് പ്രതിയെ അറസ്റ്റ് ചെയ്തതെന്ന് പോലീസ് അറിയിച്ചു.
സംഭവത്തിന് ശേഷം കടന്നുകളഞ്ഞ ഇയാളെ പൊലീസ് നടത്തിയ അന്വേഷണത്തില് കണ്ടെത്തുകയായിരുന്നു. വീട്ടില് അതിക്രമിച്ച് കയറല്, ആവര്ത്തിച്ചുള്ള ബലാത്സംഗം, ഭീഷണിപ്പെടുത്തല് തുടങ്ങിയ കുറ്റങ്ങള് ചുമത്തിയാണ് പ്രതിക്കെതിരെ കേസ് എടുത്തിരിക്കുന്നത്.
