ന്യൂദല്‍ഹി : കഴിഞ്ഞ 24 മണിക്കൂറിനുള്ളില്‍ രാജ്യത്ത് പുതുതായി 5,676 പേര്‍ക്ക് കോവിഡ് സ്ഥിരീകരിച്ചു. ഇതേ കാലയളവില്‍ 3761 പേര്‍ രോഗമുക്തി നേടി.
രാജ്യത്ത് നിലവില്‍ 37,093 സജീവ കോവിഡ് രോഗികളാണുളളത്. രോഗമുക്തി നിരക്ക് 98.73 ശതമാനമാണെന്നും ആരോഗ്യ മന്ത്രാലയം അറിയിച്ചു.രോഗമുക്തര്‍ 4,42,00,079 ആയി വര്‍ദ്ധിച്ചു.
രാജ്യത്ത് ഇതുവരെ 220 കോടി 66 ലക്ഷം ഡോസ് വാക്‌സിന്‍ നല്‍കിയിട്ടുണ്ട്. ഇതിന്‍ 95.21 കോടി രണ്ടാം ഡോസും 22.87 കോടി മുന്‍കരുതല്‍ ഡോസും ഉള്‍പ്പെടുന്നു.
ഇതുവരെ നടത്തിയ മൊത്തം പരിശോധനകള്‍ 92.30 കോടിയാണ് . കഴിഞ്ഞ 24 മണിക്കൂറിനുള്ളില്‍ 1,96,796 പരിശോധനകള്‍ നടത്തി.
പ്രതികരിക്കാൻ ഇവിടെ എഴുതുക: