ന്യൂദല്‍ഹി: ഹൈന്ദവരല്ലാത്തവരെ ബിജെപി സ്വാഗതം ചെയ്യില്ല, അംഗീകരിക്കില്ല എന്ന ബിജെപിയ്ക്കെതിരായ വിമര്‍ശനത്തിനുള്ള മറുപടിയാണ് അനില്‍ ആന്‍റണിയുടെ ബിജെപി പ്രവേശനമെന്ന് കേന്ദ്രമന്ത്രി വി. മുരളീധരന്‍.
“ഹൈന്ദവരല്ലാത്തവരെ ബിജെപി സ്വാഗതം ചെയ്യില്ല, അംഗീകരിക്കില്ല എന്നാണ് ബിജെപിയ്‌ക്ക് എതിരെ ഉയര്‍ത്തുന്ന വിമര്‍ശനം. ക്രൈസ്തവി വിശ്വാസിയായ അനില്‍ ആന്‍റണിയുടെ ബിജെപി പ്രവേശനം അത്തരത്തിലുള്ള ആരോപണം ഉന്നയിക്കുന്നവര്‍ക്കുള്ള മറുപടി കൂടിയാണ്”- വി. മുരളീധരന്‍ പറഞ്ഞു.
“ബിജെപിയുടെ സ്ഥാപകദിനം കൂടിയായ ഇന്ന് അനില്‍ ആന്‍റണിയെ പാര്‍ട്ടിയിലേക്ക് സ്വാഗതം ചെയ്യുന്നത് ഏറെ സന്തോഷമാണ്. അനില്‍ ആന്‍റണി ഏതാനും കാലമായി വിവിധ വിഷയങ്ങളിലുള്ള അദ്ദേഹത്തിന്റെ നിലപാടുകളിലൂടെ നാടിന്റെ താല്‍പര്യം ഉയര്‍ത്തിപ്പിടിച്ചു. അദ്ദേഹത്തിന്റെ നിലപാടുകളിലൂടെ രാഷ്‌ട്രീയ താല്‍പര്യത്തിനപ്പുറത്ത് നാടിന്റെ താല്‍പര്യം ഉയര്‍ത്തിപ്പിടിച്ചു. ബിബിസി ഡോക്യുമെന്‍ററി വിവാദത്തിലുള്ള അദ്ദേഹത്തിന്റെ ട്വീറ്റ് ഏറെ ചര്‍ച്ച ചെയ്യപ്പെട്ടു.” -വി. മുരളീധരന്‍ പറഞ്ഞു.
പ്രതികരിക്കാൻ ഇവിടെ എഴുതുക: